Zelenskiren, Trumpen eta Putinen arteko goi-bilera bat antolatzen laguntzeko prest agertu da Europa
Hala adierazi dute Von der Leyen, Macron, Meloni, Merz, Starmer, Stubb eta Tusk buruzagiek Trumpen eta Putinen arteko goi-bileraren ostean.
Ursula von der Leyen Europako Batzordeko presidenteak, Antonio Costa Europako Kontseiluko presidenteak eta Europako beste bost buruzagik larunbat honetan egindako adierazpen bateratu batean esan dutenez, Donald Trump AEBko presidentearen, Volodimir Zelenski Ukrainako presidentearen eta Vladimir Putin Errusiako presidentearen arteko goi-bilera bat antolatzeko prest daude.
"Trump presidenteak aurreikusi bezala, hurrengo urratsa elkarrizketekin jarraitzea izan behar da. Trumpekin eta Zelenskirekin ere elkarlanean aritzeko prest gaude, Europaren babesarekin hiru aldeko goi-bilera bat egiteko", dio Trumpek eta Putinek Alaskan bilera egin ostean argitaratutako adierazpen bateratuak.
Adierazpena sinatu duten Europako buruzagien artean daude Emmanuel Macron Frantziako presidentea, Giorgia Meloni Italiako lehen ministroa, Friedrich Merz Alemaniako kantzilerra, Keir Starmer Erresuma Batuko lehen ministroa, Alexander Stubb Finlandiako presidentea eta Donald Tusk Poloniako lehen ministroa.
Trumpek telefonoz hitz egin du gaur goizean bertan Zelenskirekin eta Europako zenbait buruzagirekin, tartean Von der Leyenekin, Putinekin izandako batzarraren nondik norakoak azaltzeko.
Europako buruzagiek "gogo onez" jaso dute "Ukrainako sarraskia gelditzeko, Errusiak hasitako gerrari amaiera emateko eta bake justu eta iraunkorra lortzeko Trumpek egin duen ahalegina", esan dute adierazpenean.
"Ukrainak segurtasun bermeak izan behar ditu bere burujabetza eta lurraldea modu eraginkorrean babesteko. Gogo onez jaso dugu Trumpek segurtasun bermeak emateko erakutsi duen prestasuna", gehitu dute.
Ukrainari babes handiagoa emateko konpromisoa hartu zuten 31 herrialderen koalizioa gatazka horretan "jokabide aktiboa izateko prest" agertu da, eta azpimarratu du ezin zaiola mugarik jarri Ukrainako Armadari edo beste herrialde batzuen elkarlanari: "Errusiak ezin du eragotzi Ukraina Europar Batasunerantz eta NATOrantz egiten ari den bidea".
EBko buruzagiek berretsi dute Ukrainari dagokiola bere lurraldearen inguruko erabakiak hartzea, "nazioarteko mugak ezin baitira indarrez aldatu".
Era berean, "Errusiaren aurkako presioari eusteko" konpromisoari eutsi diote, "isunak indartuz eta neurri ekonomikoak zabalduz".
"Ukrainak ziurtatua du gure elkartasuna Ukrainaren eta Europaren segurtasuna bermatuko duen bakea bilatzeko lanean dihardugun bitartean", azpimarratu dute adierazpenean.
Azken hilabeteetan Zelenskik behin eta berriz eskatu du buruzagi mailako batzar bat egitea Putinekin, eta Trumpek Ukraina, AEB eta Errusiaren arteko goi-bilera egiteko egin duen proposamena babestu du.
"Ukrainak bakea behar du, ez etenaldi bat"
Volodimir Zelenski Ukrainako presidenteak AEBko presidentearen adierazpenari erantzunez esan duenez, bere herrialdeak "ez du errusiarren inbasioen arteko beste etenaldi bat nahi, benetako bake iraunkor bat baizik", epe luzerako segurtasuna bermatuko duena. Horren hitzetan, hori lortzeko ezinbestekoa da Europaren eta Estatu Batuen inplikazioa.
Balizko hiru aldeko goi-bilera batean, Trumpen hitzetan, "Errusiarekin bake akordio bat" bilatuko luke, "ez su-eten soil bat".
Zelenskiren arabera, lurralde gaiei buruzko edozein erabaki Ukrainaren parte-hartzearekin bakarrik hartu ahalko da; horrela, ateak itxi dizkie etorkizunean Kieven bizkar negoziatzen diren balizko kontzesioei.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.