Putin Zelenskirekin biltzeko prest egotea txalotu du Bruselak
Europako Batzordea lanean ari da Ukrainarekin eta AEBrekin hitzordua "lehenbailehen" prestatzeko.
Vladimir Putin Errusiako presidentea Volodimir Zelenski ukrainarrarekin aldebiko bilera bat egiteko prest agertu izana txalotu du astearte honetan Europako Batzordeak. Hori horrela, Kievekin eta Washingtonekin hitzordua "ahalik eta ondoen" prestatzeko lanean ari direla baieztatu du Bruselak.
"Iraganean, Putin presidenteak uko egin zion Zelenskirekin biltzeari, beraz, jakina, iritzia aldatu izana eta Donald Trump AEBko presidenteari bilera horretan parte hartzeko prest egongo litzatekeela esan izana ospatu dugu", esan du Arianna Podesta erakundeko bozeramaileak prentsaurreko batean.
Europako Batzordeko iturriek azaldu dute ez dutela bileraren formatuari edo bilera egiteko egutegi posibleari buruzko informazio zehatzik. Ildo horretan, zehaztu dute inplikatutako alderdien esku dagoela bilera non egingo den erabakitzea.
Era berean, Kievekin eta Washingtonekin egindako lan teknikoak datozen egun eta asteetan segurtasun bermeen gaiarekin jarraituko duela iragarri dute, baina oraindik ez dagoela AEBko administrazioarekin bilera bat egiteko data zehatzik.
Atzo Etxe Zurian egindako bileretan, AEBko presidente Donald Trump prest agertu zen Ukrainarentzako segurtasun bermeetan parte hartzeko, nazioarteko beste kide batzuekin batera, baina ez zuen AEBko tropen hedapena adostu, ezta Washingtonek zehazki nola parte hartuko duen zehaztu ere. Hala, gaia laster eztabaidatuko dute, Mark Rutte NATOko idazkari nagusiak esan duenez.
Bruselak su-etena eskatzen jarraitzen ote duen galdetuta, Ursula von der Leyen Europako Batzordeko presidenteak esan du "garrantzitsuena sarraskia gelditzea” dela.
Europa mailan, ordea, gaur Boluntarioen Koalizioaren bilera egin dute, baita bideokonferentzia bat ere Europar Batasuneko estatuburu eta gobernuburuen artean, atzo Washingtonen Trump presidentearekin izandako bileren emaitzak aztertzeko. Gainera, Ursula von der Leyen Europako Batzordeko presidenteak komisarioen elkargoa deitu du biharko, bideokonferentzia bidez.
Zure interesekoa izan daiteke
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.
NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.