Ukrainak bake seguru eta justua aldarrikatu du Independentziaren Eguneko mezuan
Volodímir Zelenski Ukrainako presidenteak bere herrikideak zoriondu ditu igande honetan Independentzia Egunaren harira, eta mezu hunkigarri batekin, aurreko urteetako mezu borrokalariak baztertuta, bake justu, seguru eta iraunkorra nahi duela aldarrikatu du.
Kieveko Maidanen grabatutako bideo batean, Zelenskik ukrainar guztien batasuna azpimarratu du, hori ezin baitu "aldi baterako okupazioak" aldatu.
"Egunen batean, ukrainarren arteko aldea desagertu egingo da, eta berriro egongo gara elkarrekin, herrialde bat eta familia bat bezala. Denbora kontua baino ez da", esan du presidenteak.
Zelenskik ohartarazi du Ukraina Errusiaren erasoak kolpez kolpe itzultzeko eta haren azpiegitura estrategikoak kaltetzeko moduan dagoela, Moskuk su-etena onartzen ez badu. "Inork ezin dizkigu eraso horiek debekatu, justuak direlako", adierazi du.
Baina, garaipenetik gero eta urrunago dagoela iradokiz, bake segururako bidea lehenetsi du, Ukrainak dagoeneko erakutsi baitu "munduko bigarren armadarik onenari" aurre egin ahal izan diola, eta bere independentzia arrakastaz defendatu duela goraipatu badu ere.
Presidenteak nabarmendu du ez duela erabaki lotsagarririk hartuko bakea lortzeko, Kievek segurtasuna bermatuko duen akordio duin eta integral bat lortu nahi baitu.
Bestalde, Ursula von der Leyen Europako Batzordeko presidenteak eta Antonio Costa Europako Kontseiluko presidenteak ukrainarrak zoriondu dituzte, eta Ukraina "aske, demokratiko eta independente bat" lortzeko esperantza agertu dute, baita Europar Batasunean (EB) integratzeko desira ere.
Donald Trump AEBko presidenteak bat egin du zorion mezuekin, eta Errusiaren aurkako gerrak dakarren "zentzurik gabeko sarraskia" amaitzeko nahia agertu du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".