Israelek Gazan egindako erasoaldia genozidioa dela ondorioztatu du nazioarteko akademiko talde batek
Genozidioari buruzko Akademikoen Nazioarteko Elkarteak gazatarren kontrako gehiegikeriak eta Benjamin Netanyahuren Gobernuko kide batzuen adierazpenak aztertu ditu elkarteak txosten batean.
Israelgo Armadak hildako pertsona batzuk, bilketa gune batean janaria lortzen saiatzen zeudela. Argazkia: EFE
Genozidioari buruzko Akademikoen Nazioarteko Elkarteak (IAGS, ingelesez) mundu osoko bostehun bat ikertzaile biltzen ditu, eta txosten batean ondorioztatu du Israel genozidioa egiten ari dela Gazako Zerrendan, erasoaldi militarra aitzakia hartuta. Israelgo agintariek berehala gaitzetsi dituzte ondorio horiek.
Gazatarren kontrako gehiegikeriak eta Benjamin Netanyahuren Gobernuko kide batzuen adierazpenak aztertu ditu elkarteak txosten batean. Esandakoen artean, nabarmendu dute Israelgo gobernukideak palestinarrak "suntsitzearen" alde agertu direla, "animaliatzat" joz eta Gaza "infernu" bihurtuko dutela aginduz.
Egiaztatutako datuak kontuan hartuta, adituek uste dute "Israelek Gazan egiten dituen politikek eta ekintzek genozidioaren legezko definizioa" betetzen dutela, eta, beraz, "genozidioa, gerrako krimenak eta gizateriaren aurkako krimenak izan daitezkeen ekintza guztiak" bertan behera uztea eskatu dute, besteak beste, Zerrendako biztanleak gosez hiltzea eragitea, Israelek laguntza humanitarioa sartzen galarazi du eta.
Israelgo Atzerri Ministerioak, aldiz, esan du IAGS elkarteak egindako txostena "lotsagarria" dela, arlo akademiko eta legezkoari begiratuta, uste baitu argitalpena "Hamasen gezur kanpainari jarraituz" egina dela, Oren Marmorstein bozeramailearen hitzetan.
"IAGSek aurrekari historikoa ezarri du. Lehen aldiz, 'genozidioaren akademikoek' genozidioaren biktima akusatu dute", deitoratu du Marmorsteinek.
Bestalde, gogoratu Hamasek "genozidio" terminoa erabili duela beti Gazaren aurkako erasoa deskribatzeko, eta "munduaren begien aurrean" gertatzen ari dela deitoratu du. Era berean, nazioarteari egotzi dio horren aurrean ezer egin ez izana.
Zure interesekoa izan daiteke
Espainiak Ziprera fragata bat bidaliko du Iranen erasoaren ostean
Defentsa Ministerioak azaldu duenez, Espainiak "Europar Batasunaren eta ekialdeko mugaren defentsarekin duen konpromisoa erakusten du" mugimen horrekin.
13 urteko kartzela zigorra ezarri diote Berlinen turista bilbotar bat larri zauritu zuen atentatuaren egileari
Erasoa iazko otsailean gertatu zen, Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren.
Macronek eta EBk babesa adierazi diote Espainiari, Trumpen mehatxu komertzialen aurrean
Sanchezek esker ona adierazi du, EBko erakunde nagusietako presidenteek eta Europako bazkideek (Frantziak, esaterako) laguntza eskaintzeko dei eta mezuak bidali dizkiotelako.
Israelek Iranek izendatutako edozein buruzagi hil egingo duela ohartarazi du Israel Katz Defentsa ministroak
Israelgo aireko armadak asteartean eraso egin zion Ali Khamenei aiatolaren ondorengoa aukeratzeko Adituen Batzordea biltzekoa zen eraikinari, Qom hiri santuan, izendapen prozesua etenarazteko ahaleginean. Hala ere, une horretan 88 erlijio-gizonak ez zeuden eraikinean bilduta.
Trumpek Espainiarekin duen merkataritza-harremana etengo duela mehatxu egin du, Irango gerrarekiko duen jarreragatik
Espainiako Gobernuak Trumpi erantzun dio, eta nabarmendu diu NATO eta Europako Defentsa konpromisoak bete egiten dituela. Era berean, ohartarazi dio EBren eta AEBren arteko akordioak errespetatu beharko dituela, aldebiko harremanak berrikusi nahi baditu.
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.
Petrolioaren prezioak gora egin du eta gorabeherak daude itsas eta aire trafikoan, Ormuzko itsasarteko tentsioaren ondorioz
Ontzi enpresa nagusiek ez dute handik igaro nahi, eta zer gertatuko zain daude. Halaber, 3.000 hegaldi baino gehiago bertan behera utzi dituzte asteburuan, Ekialde Hurbileko gatazka lehertu denetik.
Albistea izango dira: Gatazka Iranen, Makina-Erremintaren Azoka eta martxoaren 3aren aurreko eguna
Gaurkoan Orain-en albiste izango direnen laburpena, bi hitzetan.