Armenia eta Azerbaijanerako bake prozesua itxitzat jo dute, Washingtonen akordioa lortu da eta
Abuztuan erdietsi zuten akordio historikoa, Estatu Batuak bitartekari. 2020ko gerraren ondoren, Nagorno Karabajeko Azerbaijanen zatia konkistatu eta armeniar jatorriko bertako 120.000 biztanle kanporatu zituzten.
Europako Segurtasun eta Lankidetzarako Erakundearen Ministerio Kontseiluak (OSCE, ingelesez) Nagorno Karabajeko gatazkarako bake-prozesua itxitzat jo du, hiru hamarkada baino gehiagoren ostean, Armeniak eta Azerbaijanek normalizazio-akordioa sinatu berri dute eta, Washingtonen.
Azerbaijango lurraldean kokatutako Armeniako enklabe horrek aurrez aurre jarri zituen Kaukasoko bi herrialdeak, eta, 1992tik, Errusiak, Frantziak eta AEBk gidatutako 'Minskeko prozesua' alferrekoa izan da bi aldeen arteko bake akordioa lortzeko.
2020ko gerraren ondoren, Nagorno Karabajeko Azerbaijango zatia konkistatu, eta eta armeniar jatorriko bertako 120.000 biztanle kanporatu zituzten. Joan den abuztuan aldeen arteko bake akordio historikoa erdietsi zen, Estatu Batuak bitartekari.
Elina Valtonen OSCEren txandakako presidenteak, Finlandiako Atzerri ministroak, "zorionik beroenak" eman dizkie aurrez aurre dauden herrialdeei, lortutako akordioagatik eta lehenbailehen martxan jartzeko konpromisoagatik.
Bestalde, OSCEren idazkari nagusi Feridun Sinirlioglu turkiarrak, 2020ko gerran Azerbaijani babesa eman zionak, adierazi du "diplomaziak lortzea dagoela agerian uzten duen garapen historikoa" dela, "hainbat hamarkadatako gatazkaren eta mesfidantzaren ondoren ere".
OSCEk Vienan (Austria) du egoitza, eta munduko nazioarteko segurtasun-erakunderik handiena da. Europako, Erdialdeko Asiako eta Ipar Amerikako 57 herrialdek osatzen dute eta herrialde komunista ohietan demokrazia, giza eskubideak eta zuzenbide-estatua sustatzea du helburu.
Nagorno Karabajeko gatazkarako 'Minskeko prozesua' ixtea aho batez erabaki zuten, OSCEk bere oharrean azpimarratu duenez.
2022ko otsailean Errusiak Ukraina inbaditu zuenetik, erakundeak ia gai guztiak ditu blokeatuta, Estatu aliatuen arteko adostasunik ezaren aurrean.
Zure interesekoa izan daiteke
EBko herrialdeak deituko ditu Costak datozen egunetan, Trumpi erantzun bateratua emateko
Igande honetan Europako enbaxadoreekin izandako bileraren ostean, Europako Kontseiluko presidenteak azpimarratu du EBko herrialdeak prest daudela "edozein hertsapenen" aurrean defendatzeko, baina baita "interes komuneko gai guztietan AEBrekin modu eraikitzailean hitz egiten jarraitzeko ere".
Ia 4.000 hildako eta 9.000 zauritu izan dira Irango protestetan, GKE baten azken balantzearen arabera
HRANAk (Human Righs Activists News Agency) eman du kopuru hori; eta IHRNGOren arabera (Iran Human Rights), berriz, 3.428 dira hildakoak. Gainera, Interneteko zerbitzuak etenda jarraitzen du.
Hautagai sozialista eta ultraeskuindarra igaro dira Portugalgo hauteskunde presidentzialen bigarren itzulira
Antonio Jose Seguro ministro ohi eta sozialisten buruzagi ohiak botoen % 30,53 lortu ditu eta Andre Ventura buruzagi ultraeskuindarrak % 24,59. Portugalgo presidentetzarako hauteskundeen bigarren bozketa otsailaren 8an izango da.
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera egin dute, muga-zergei eman beharreko erantzuna adosteko.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.
Trumpek ezarritako muga-zergei "erantzun bateratua" eman nahi die EBk
Antonio Costa Europako Kontseiluko presidenteak adierazi duenez, Europak "oso jarrera irmoa izango du beti nazioarteko zuzenbidearen defentsan, edonon dela ere, eta, jakina, EBko estatu kideen lurraldetik hasita".