15 pertsona hil eta hogei bat zauritu dira Lisboan, funikular bat errailetik aterata
Gutxienez 15 pertsona hil eta 18 zauritu dira asteazken honetan Portugalgo hiriburuan, Lisboan, Gloria-jasogailuaren funikularra errailetik atera ostean.
Istripua 18:00ak baino minutu batzuk geroago gertatu da (17:00ak Portugalen), solte zegoen kable baten ondorioz. Suhiltzaileek lurreko hogei ibilgailu baino gehiago eta 62 agente zabaldu dituzte, eta Polizia Judiziala gertakaria ikertzera joan da, RTP telebista-kateak jakinarazi duenez.
Marcelo Rebelo de Sousa Portugalgo presidenteak "biziki" deitoratu du arratsaldean izandako istripua.
Era berean, "doluminak eta elkartasuna" adierazi dizkie "ezbehar horrek kaltetutako familiei", eta "agintari eskudunek gertakaria azkar argitzea" espero duela esan du, Portugaleko Presidentetzaren ohar baten arabera.
43 pertsonentzako lekua duen Gloria-Jasogailua oso ezaguna da hiria bisitatzen duten turisten artean. Errailetik atera zen azken aldia 2018ko maiatzean izan zen, zerbitzua gutxienez hilabetez geldirik utzita, baina orduan ez zen inor zauritu.
Nazioarteari buruzko albiste gehiago
Putinek "argi apur bat" ikusi du Ukrainako "tunelaren amaieran", baina akordiorik ezean gerrak jarraituko duela ziurtatu du
Errusiako presidenteak adierazi du Volodimir Zelenski Ukrainako presidentearekin biltzeko prest dagoela Moskura bidaiatzen badu.
:eitb-banner?$eitb-banner$&fmt=webp-alpha&qlt=80)
Hamasek esan du nazioarteko harremanak "areagotu" dituela, Israel Gazan egiten ari den "sarraskia" gelditzeko asmoz
Talde islamiarrak ohartarazi duenez, gainera, Zisjordanian bizi duten hondamendia ez da Gazako Zerrendan bizi dutena baino samurragoa.
Txinak botere militarraren erakustaldi handia egin du II. Mundu Gerraren amaieraren 80. urteurrena ospatzeko
Desfile militarrean Xi Jinping Txinako presidentea izan da, Vladimir Putin eta Kim Jong-un Errusiako eta Ipar Koreako buruzagiekin batera. "Txinako nazioaren gaztetze handia geldiezina da eta, zalantzarik gabe, bakearen eta gizateriaren garapenak garaituko du", iragarri du Txinako presidenteak.
Venezuelatik "droga ugari" omen zekartzan itsasontzi bati eraso egin dio AEBk
Washingtonek adierazi du erasoa duela egun batzuk Venezuela parean nazioarteko uretan aktibatu zuen estrategia militarraren parte dela.
Bulgariak baztertu egin du Von der Leyenen hegazkinaren kontra erasorik izan zenik
EBren kide den Estatuko agintarien arabera, interferentzia mota horiek "egunero" gertatzen dira, eta, beraz, ez dute ikerketarik egingo.
Zelenskirekin bildu aurretik, Europako buruzagiei haren mezua helarazten utzi diezaiola eskatu dio Ficok Putini
Eslovakiarrak adierazi du ez dituela ulertzen EBk Ukrainako gatazkan hartutako zenbait erabaki, eta Bratislavaren eta Moskuren arteko lankidetzarekin jarraitzeko prest agertu da.
Afganistan, erreskateak eta suntsipena: lurrikarak 1.100 hildako baino gehiago utzi ditu
Afganistan ekialdea astindu zuen 6,0 graduko lurrikararen ondoren, gutxienez 1.100 hildako eta 3.200 zauritu izan dira; ospitaleak gainezka daude, eta oraindik ere biktimak iristen ari dira herri eta mendietatik.
Nolakoa da Hani Mahmoud kazetariaren jarduna Gazan? Hemen, bertatik bertara
Aitortu egin digu nekatuta dagoela, fisikoki eta emozionalki, baina jarraitu beharrean dago, ezin dio eta utzi Gazan gertatzen dena kontatzeko ardurari. Kontatu digu Armadak 250 bat kazetari palestinar hil dituela azken ia bi urteotan. Askotan justifikatu ditu erasoak, Hamaseko kide zirela esanez. Haniri oinarririk ez duela ez ezik, onartezina iruditzen zaio.
Hileta jendetsuak egin dituzte Israelek hildako Yemengo huthien gobernuko kideen alde
Gobernuko 11 kide hil zituen Israelek abuztuaren 28an, tartean, Ahmed al-Rahawi lehen ministroa. Huthien gobernuak Yemengo iparraldeko, erdialdeko eta mendebaldeko eremuak kudeatzen ditu 2024tik. Huthiek mendekua agindu dute.