Ekialde Hurbilean bi estatu, Israel eta Palestina, sortzearen alde egin du NBEren Batzar Nagusiak
Bozketa ez da loteslea, baina estatu palestinarra sortzeak duen babesa neurtzeko balio du. AEBri gero eta gehiago kostatzen zaio bere kontrako jarrera babestuko duten herrialdeak aurkitzea.
Ekialde Hurbilean bi estatu, Israel eta Palestina, sortzeko konponbidearen alde egin du asteazken honetan Nazio Batuen Erakundearen Batzar Nagusiak. Ohi bezala, Israelek, AEBk, Hungaria, Argentina edo Paraguai herrialde aliatuek eta Pazifikoko uharte txikiek kontra bozkatu dute.
142 estatuk eman dute aldeko botoa, hamarrek kontra egin dute eta hamabi abstentzio izan dira. Oraingoan, Erresuma Batua, Frantzia, Kanada edota Australiak ebazpena babestu dute. Azken hilabeteotan orain arteko jarrera aldatu eta Palestinako Estatua onartzeko prest daudela adierazi dute.
Europar Batasunean desadostasunak daude estatuen artean. Hala, Hungariak kontra bozkatu du, Txekiar Errepublika abstenitu egin da eta Israelen ohiko aliatuak izan diren Alemaniak eta Holandak alde bozkatu dute.
Batzar Nagusiaren bozketak ez dira lotesleak, eta, beraz, esanahia sinbolikoa baino ez da, baina hainat gaik izan dezaketen babesa neurtzeko balio dute. Kasu honetan, Palestinako estatua sortzeak gero eta babes handiagoa du estatu kideen artean, eta Amerikako Estatu Batuei gero eta gehiago kostatzen zaie euren kontrako jarrerari babesa emango dioten herriak aurkitzea.
Ostiral honetan bozkatu den adierazpena, 'New Yorkeko Adierazpena' izenekoa, Frantziak eta Saudi Arabiak uztailaren 29an antolatutako goi mailako konferentzia batean onartu zen.
Irailaren 22ko astean jarraituko dute gai honi buruz hitz egiten eta mendebaldeko potentzia handi batzuek aste horretan Palestinako estatua onartzeko urratsa emango dutela iragarri dute.
Nazioarteari buruzko albiste gehiago
Milaka palestinar ihesi ari dira Gazako hiritik: "Goazen tokiak ez dira seguruak"
Nazio Batuen Erakundeak 73.500 desplazamendu baino gehiago zenbatu ditu Gazako Zerrendaren iparraldetik hegoaldera, Al Rashid kostaldeko errepidean barrena, abuztuaren 14tik, eta 25.000 inguru irailaren 7tik.
NATOk ariketa militarrak iragarri ditu ekialdean, aire-espazioa urratu ondoren
Ekintza militar berri hauek "datozen egunetan hasiko dira" eta Danimarka, Frantzia, Erresuma Batua, Alemania eta "beste herrialde batzuk" inplikatuko dituzte.
22 urteko gizon bat atxilotu dute Charlie Kirken ustezko hiltzaile gisa
Atxilotua Tyler Robinson 22 urteko Utahko bizilaguna da. Antza denez, haren aitak eta ingurukoek eskatu zioten bere burua entregatzeko. Errudun joz gero, heriotza zigorra jasotzea espero du Trumpek.
Errusiak eta Bielorrusiak ariketa militarrak hasi dituzte, Poloniarekin eta NATOrekin tentsioak gora egin ostean
Kremlinak ukatu egin du Zapad-2025 maniobra militarrak hirugarren herrialdeei zuzenduta egotea. Dena dela, Ukrainako gerra hasi zenetik lehen aldiz egin dituzte horrelako ariketa militarrak.
FBIk Charlie Kirki tiro egin zion susmagarriaren irudiak erakutsi ditu, eta haren bila jarraitzen du
Herritarren lankidetzaren garrantzia nabarmentzeaz gain, 100.000 dolarreko saria eskaini dute susmagarria harrapatzeko balio duen informazioaren truke.
Bolsonaro zigortu dute Lularen aurkako estatu-kolpe saiakeragatik
Erakunde kriminal armatu bateko kide izateagatik eta Lula da Silvaren aurka hauteskundeak galdu ostean estatu-kolpe bat bideratzeagatik zigortu dute Brasilgo presidente ohia.
Israelen aurkako "mehatxu genozida" egitea leporatu dio Netanyahuk Sanchezi
"Antza, Espainiako Inkisizioa, juduak Espainiatik kanporatzea eta Holokaustoan juduak sistematikoki hiltzea ez dira nahikoa Sanchezentzat", esan du lehen ministro israeldarrak.
Charlie Kirk aktibista hiltzeko erabili duten arma aurkitu dute
Kirk AEBko presidente Donald Trumpen kolaboratzaile estua zen. Utaheko unibertsitate batean, jendez beteta zegoen ekitaldi batean, hil dute tiroz. Poliziak hiltzailearen irudiak eta beste hainbat arrasto aurkitu ditu.
Europako Parlamentuak Israelekin akordioak moztea onartu du, baina ez du Gazako egoera genozidiotzat hartu
Estrasburgoko egoitzan bildutako osoko bilkurak Gazako “hondamendi humanitarioa” eta Hamas taldearen “krimen basatiak” gaitzetsi ditu. Horrez gainera, indarkeria erabiltzen duten kolonoei eta Hamasi zigorrak jartzearen alde egin du eta “berehalako su-etena” eskatu du.