Gazan hildakoak uste dena baino hamar aldiz gehiago izan daitezke, NBEko errelatore bereziaren arabera
Francesca Albanesek adierazi du gutxienez 680.000 palestinar hil ahal izan dituela Israelek erasoak hasi zituenetik, % 75 emakumeak eta adingabeak. Datuak baieztatuz gero, horietatik 380.000 bost urtetik beherako haurrak lirateke.
Aita batek bere haurraren hilotza darama besoetan, Gaza Hirian. Argazkia: EuropaPress
NBEk Lurralde Palestinar Okupatuetarako daukan errelatore bereziak, Francesca Albanesek, ohartarazi duenez, Israelek Gazako Zerrendan egindako erasoen ondorioz hildako pertsonen kopurua hamar aldiz handiagoa izan daiteke. Gazako agintariek ia 65.000 biktima kontatu dituzte baina Nazio Batuetako Ordezkariak adierazi du gutxienez 680.000 izan daitezkeela. Horietatik % 75 emakumeak eta haurrak.
"Hori da akademiko eta zientzialari batzuen arabera, hildakoen benetako zifra baina zaila izango da frogatzea edo ezeztatzea, lurralde palestinarrera sartzeak debekatuta jarraitzen badu", azaldu du Genevan eman duen prentsaurreko batean.
Albaneseren arabera, balantze hori berretsiz gero, 380.000 biktima bost urtetik beherakoak izango lirateke. 1.581 biktima osasun-langileak ziren, 252 kazetariak eta 346 Nazio Batuetako langileak.
Gainera, 10.000 palestinar atxilotu dituztela ere salatu du, gehienak "modu arbitrarioan", eta "gosez hiltzea, torturatzea eta presoak bortxatzea" leporatu diete Israelgo Indar Armatuei.
Albanesek jakinarazi duenez, Gazako zerrendaren % 85 birrinduta dago eta Zisjordaniako egoera ere ez da ona. "1.000 palestinar baino gehiago, 212 haur barne, hil dituzte azken 710 egunetan. 1.600 eraso erregistratu dira, aurreko urteetan baino % 22 gehiago palestinarrak bizi diren eremuetan", zehaztu du.
Era berean, 40.000 palestinar nahitaez desplazatuak izan direla ziurtatu du. "Anexioek etenik gabe jarraitzen dute", azaldu du prentsaurrekoan.
"Traumak eta minak belaunaldiz belaunaldi iraungo dute. Bitartean, estatu gehiegik jarraitzen dute ezikusiarena egiten, sufrimendua normalizatzen eta sufrimenduaz etekina ateratzen. Armen merkataritzak eta Israelekiko harreman diplomatikoek etengabe jarraitzen dute. Eta hori ez da moralki zuzena, legez kanpokoa ere bada", argudiatu du.
"Gazako genozidioa historiara pasatuko da"
"Gazako genozidioa historiara pasatuko" dela ere esan du Albanesek: "Genozidio hau zerbait desberdina da, argi eta garbi bultzatzen da, zinikoki ukatzen da eta gupidagabe sostengatzen da; arma gisa erabiltzen da, eta aurka egiten dutenak isilarazi, jazarri, kriminalizatu eta iraindu egiten dira", adierazi du.
Zure interesekoa izan daiteke
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.
Teknofaxismoa ala utopia teknologikoa: Zer da Palantir manifestu futurista?
Silicon Valleyn egoitza duen Palantir Technologies enpresak 22 puntutan laburbildu du Peter Thiel eta Alex Karp tekno-oligarken demokraziari buruzko ikuspegia. Derrigorrezko zerbitzu militarra aldarrikatzen dute, baita adimen artifizialean oinarritutako disuasio militarra ere. Pentsalari batzuek teknofaxismoarekin lotu dute.
Muskek, munduko gizonik aberatsenak, "inozoa" izan zela dio, OpenAI finantzatzeagatik
Muskek bataila legal bati ekin zion 2024an ChatGPTren ardatz den enpresaren, Sam Altman eta Greg Brockman fundatzaileen, eta horien bazkide nagusi Microsoften aurka. Kontratua ez betetzea eta bidegabe aberastea leporatzen die. Bigarren egunez ari da deklaratzen Oaklandeko gorte federal batean (Kalifornia).
Putinek su-etena proposatu du Ukrainan, maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.