Frantziak eta Erresuma Batuak Palestina estatu gisa aitortzeagatik errepresaliarik ez hartzeko eskatu diote Israeli
Alemaniak oraingoz ez du Palestina estatu gisa aitortzeko asmorik. Are gehiago, bide horretan pausorik eman aurretik balizko bake negoziazioek zer ematen duten itxarotea defendatu du.
Yvette Cooper eta Jean-Noel Barrot Erresuma Batuko eta Frantziako Atzerri ministroek Israelgo agintariei eskatu diete errepresaliarik ez hartzeko hainbat herrialdek Palestina estatu gisa aitortu dutela eta. Oraingoz, Benjamin Netanyahu buru duen gobernuak ez du aukerarik baztertu, besteak beste, Zisjordania anexionatzea dago mahai gainean.
Erresuma Batuak emandako pausoa ez doa Israelen interesen kontra, Cooperren arabera, eta, ez hori bakarrik, israeldarren eta palestinarren "segurtasuna errespetatzeko modurik onena" dela gaineratu du.
"Ekialde Hurbilean bakea eta justizia babestearekin dauka zerikusia", adierazi du Cooperrek astelehen honetan BBC katean egin dioten elkarrizketan. Horrez gain, bi estatuen konponbidea suspertzeko Erresuma Batuak duen erantzukizuna azpimarratu du.
Frantziako diplomaziaren buruak, bere aldetik, iragarri du gaurkoa bakearentzat "egun handia" dela, aurrez Erresuma Batuak, Australiak eta Kanadak egin bezala, Frantziak ere Palestina estatu gisa aitortzea espero baita.
TF1 telebista kateari egin dioten elkarrizketan, Frantziarentzat "garaipen diplomatiko handia" dela nabarmendu du, Saudi Arabiarekin batera bi estatuen konponbidea bultzatzeko NBEk antolatutako goi-bileraren bultzatzaile den heinean.
Israelek errepresaliarik hartuko ote duen galdetuta, aurreratu du hori gertatuko balitz Frantziak "irmotasunez" erantzungo duela.
Alemania, zain
Alemaniak oraingoz ez du Palestina estatu gisa aitortzeko asmorik. Johann Wadephul Atzerri ministroak astelehen honetan esan duenez, aukerarik egingarriena da pauso hori amaierarako uztea, hots, aldeek bakea sinatzen dutenerako.
Palestina estatua bihurtzea da, Wadephulen arabera, bakea lortzeko aukera bakarra. Hala ere, bide horretan pausorik eman aurretik balizko bake negoziazioek zer ematen duten itxarotearen alde egin du.
Epe motzera, ordea, berehalako su-etena adostea eta Hamasek bahituta dituen lagun guztiak askatzea jarri ditu helburu gisa.
Bestalde, azpimarratu du Israelek "okupatutako lurraldeak anexionatzea" Nazioarteko Zuzenbidea urratzea izango litzatekeela.
Zure interesekoa izan daiteke
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.