Trumpen planari buruzko galdeketak hasi ditu Hamasek, eta baliteke erantzun bat emateko egunak behar izatea
AEBko presidenteak "hiruzpalau eguneko" tartea eman dio talde palestinarrari bake plana onartzen duen ala ez erabakitzeko.
Hamas talde palestinarrak Donald Trump AEBko presidenteak atzo aurkeztutako bake planari buruzko kontsultak hasi ditu astearte honetan bere buruzagi politiko eta militarrekin, eta baliteke erantzunak "egun batzuk" behar izatea, alderdi islamistako iturri batek jakitera eman duenez.
Kontsulta sorta Palestinan zein atzerrian egiten ari dira, eta erantzuna "nazionala" izango da. Hala ere, mugimenduko kideen arteko komunikazioa konplexua denez, "egun batzuk" atzeratuko da erantzun hori.
Informatzaileak azpimarratu duenez, alderdiak "akordio integral bat lortu nahi du gerra eta erasoa gelditzeko, Israel Gazako Zerrendatik erabat erretiratzea bermatzeko, 2007tik ezarritako blokeoa amaitzeko eta Zerrenda berreraikitzeko".
Bestalde, Donald Trump AEBko presidenteak astearte honetan adierazi duenez, Hamasek "hiruzpalau egun" ditu astelehenean errepublikanoak aurkeztutako bake planari erantzuteko.
Hori egin ezean, "amaiera tristea izango da", esan du estatubatuarrak, Gazako etorkizunaren zama guztia Hamasen esku utzita.
Gaur, Majed al Ansari Qatarreko Atzerri Ministerioko bozeramaileak adierazi duenez, "oraindik goiz da" Hamasek planari erantzuteko, baina herrialde bitartekaria "baikorra" dela gaineratu du.
Gaur gauean bilera egingo dute Hamaseko negoziatzaileek Dohan, eta "Turkiako ordezkaritza batek parte hartuko du", Al Ansariren arabera.
Trumpen proposamenak berehalako su-etena aurreikusten du Gazan, Israelgo Armada pixkanaka erretiratzea, ehunka preso palestinar askatzearen truke bahituak erabat libre uztea eta Nazio Batuen bidez laguntza humanitarioa bidaltzea.
Era berean, Hamas erabat desarmatzea (Zerrendako gobernantzatik kanpo geratuko litzateke) eta Palestinako teknokratek eta nazioarteko adituek osatutako trantsizioko gobernu bat ezartzea aurreikusten du, "Bakearen Batzordeak" gainbegiratuta.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.