Ukrainako gerra Kievi Tomahawk misilik eman gabe amaitzea espero du Trumpek
Putinek AEBko presidenteari ohartarazi dionez, mota horretako misilak Ukrainari hornitzea Errusiaren aurkako eskalada gisa hartuko luke.
Donald Trump AEBko presidenteak Volodimir Zelenski Ukrainako presidentearekin Etxe Zurian egindako bilera batean adierazi duenez, Ukraina eta Errusiaren arteko gerra Tomahawk misilak Kievera bidali behar izan gabe amaitzea espero du.
Ukrainako gerrari amaiera emateko arrazoietako bat Kievi "arma kopuru handiak emateari uztea" dela esan du Trumpek.
Zelenskik erantzun duenez, Errusiaren aurkako gerra "gerra teknologikoa" ere bada, eta Ukrainak berak egindako droneak erabiltzen baditu ere, Tomahawk misilik ez duela eta borrokan jarraitzeko behar dituela gaineratu du.
AEBk Errusia barruan aire-erasoak baimenduko lituzkeen galdetuta, Trumpek esan du hori eskalada bat izango litzatekeela, baina ez du baztertu etorkizunean aukera hori baliatzea.
Trumpek azken egunotan mahai gainean jarri du Ukraina AEBk ekoitzitako misilekin hornitzeko aukera, Errusia presionatzeko estrategia gisa, Kremlinek borrokak gelditzeari uko egin ostean.
Vladimir Putin Errusiako presidentearekin telefonoz hitz egin eta biharamunean hartu du Trumpek Zelenski. Putinekin laster Budapesten biltzea adostu zuten, gerraren amaiera bilatzeko. Bien arteko bigarren goi-bilera izango da, abuztuan Alaskan batu baitzen.
Atzoko deian, Putinek Trumpi ohartarazi zion Tomahawk misilak Ukrainara bidaltzea Errusiak bere aurkako eskaladatzat hartuko lukeela.
Zure interesekoa izan daiteke
Astearteko bilera "azken aukera" dela eta akordiorik ez badago "herrialdea suntsituko" duela ohartarazi dio Trumpek Irani
AEBko presidenteak iragarri du astelehen honetan iritsiko direla AEBko negoziatzaileak Pakistanera. Masud Pezeshkian Irango presidenteak Trumpi erantzun dio ezin diola energia nuklearra garatzeko "eskubidea" kendu, eta akordioa ez dagoela gertu esan du. AEB Ormuzen egiten ari den "legez kanpoko" blokeoa ere salatu du, Irango herritarrei "zigor kolektiboa" ezartzen ari zaizkielako.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.