Nicolas Sarkozy: "Gaur ez dute Errepublikako presidente ohia espetxeratu, errugabe bat espetxeratu dute"
Frantziako presidente ohiak mezu bat idatzi du sareetan La Santeko espetxera abiatu aurretik, bost urteko zigorra betetzeko.
Nicolas Sarkozy emaztea besarkatzen, La Santera joan aurretik. Argazkia: Europa Press.
Nicolas Sarkozy, Frantziako presidente ohia, kartzelan sartu dute astearte honetan 2007ko hauteskunde kanpainan ustelkeria eta legez kanpoko finantzaketa egotzita.
09:10 aldera atera da etxetik Carla Bruni emaztearen eskutik, seme-alabekin eta anai-arrebekin batera. Dozenaka lagun elkartu dira estatuburu ohiari babesa adierazteko, eta txalo egin diote, Marseillesa, Frantziako ereserkia, abestu ondoren.
La Santera abiatu aurretik, presidente ohiak honako mezu hau argitaratu du bere sare sozialetan:
"La Santeko presondegiko hormak zeharkatzera noanean, nire pentsamenduak frantses guztiei zuzenduko zaizkie, edozein dela ere haien egoera eta pentsamoldea.
Neure dudan indar hautsiezinez esan nahi dizuet ez dela Errepublikako presidente ohi bat gaur goizean giltzapetzen dutena, errugabe bat baizik.
Eskandalu judizial hau salatzen jarraituko dut, 10 urte baino gehiago irauten duen kalbario hau. Honatx, finantzaketa txikienik ez duen egez kanpoko finantzaketa kasu bat! Ibilbide luzeko instrukzio judizial bat, jada faltsua dela frogatua dagoen dokumentu baten gainean eraikia.
Ez dut pribilegiorik eskatzen, ez mesederik. Ez naiz kexatzen, nire ahotsa entzun egiten delako. Ez daukat kexatzeko arrazoirik, emaztea eta seme-alabak ondoan ditudalako, eta nire lagunak kontaezinak direlako.
Baina gaur goizean pena handia sentitzen dut Frantziagatik, umiliatua, gorrotoa aurrekaririk gabeko mailara eraman duen mendeku bat egikaritu delako. Ez dut zalantzarik Egia gailenduko da. Baina ordaindu beharreko prezioa izugarria izango da. NS".
Zure interesekoa izan daiteke
Muga-zergak eta interbentzionismoa, Trumpen atzerri politikaren gakoak
Protekzionismo ekonomikoa eta beste potentziekiko merkataritza gerrak izan dira protagonista Trumpen bigarren agintaldiaren lehen urtean. Mikel Reparaz EITBren nazioarteko buruak Donald Trumpen kanpo politikaren gakoak aletu ditu, Etxe Zurira iritsi zela urtebete bete den honetan.
Trumpek Groenlandiari buruzko erasoa areagotu du, adimen artifizialak egindako irudiak erabilita, Davosera iritsi aurretik
"Davos interesgarri oso izango da", aurreratu du presidenteak, bere hitzen eta keinuen aurrean ikusminak markatutako goi-bileran.
Israel UNRWAk Jerusalem ekialdean dituen eraikinak suntsitzen hasi da
Israelgo Atzerri Ministerioak erasoa justifikatu du "Israelgo Estatua Jerusalemgo Unrwa konplexuaren jabea" dela esanda. Jonathan Fowler UNRWAren bozeramaileak, bere aldetik, azpimarratu du eraikin multzo hori "Nazio Batuen egoitza" dela.
Sarekadak, deportazioak, inflazioa, langabezia... Horrela aldarazi du Trumpek AEB, urtebetean
AEBko gizartea polarizatuta zegoen duela urtebete, baina arrakala hori are gehiago zabaldu da azken 12 hilabete hauetan. Mikel Reparaz EITBren nazioarteko buruak Trump Etxe Zurira iritsi zenetik AEBko barne politikaren aldaketaren gakoak aletu ditu.
Kieveko zati bat argi, ur eta berokuntzarik gabe geratu da, -12 gradu direla, Errusiak abiatutako eraso zabal baten ondorioz
Gaur goizaldekoa Errusiak Kieveko energia-azpiegituraren aurka egindako hirugarren eraso handia da, urtarrilaren 9az geroztik. Izan ere, misilekin eta droneekin egindako beste bonbardaketa batek ia hiru egunez argirik eta berkuntzarik gabe utzi zuen hiriaren zati handi bat, gaur arte jarraitzen duen hotz-bolada hasi zenetik.
Trumpen "praktika autoritarioek" giza eskubideen "higadura" eragin dutela ohartarazi du Amnistia Internazionalak
Donald Trump Etxe Zurira bigarrenez iritsi zenetik urtebete betetzen den honetan, txosten bat argitaratu du gobernuz kanpoko erakundeak. Dokumentu horretan jasotzen denez, gizarte askeen oinarriak "ahultzen" ari dira, eta horren adibide jarri ditu adierazpen askatasunaren, oposizioaren eta oro har kritiko direnen kolektiboen aurkako erasoak.
Danimarkak eta Groenlandiak NATOk uhartean misio bat egitea eskatu diote Mark Rutteri
Bruselan egindako bileraren ostean, Danimarkako Defentsa ministroak adierazi du AEBk Groenlandia bereganatzeko duen asmoaren ondorioz herrialdeak are beharrezkoagotzat jo duela eskualdearen Defentsan inbertitzea.
Kanpainan agindutakoa betetzen ari da Trump, baina bizimoduaren kostua murriztea kostatzen ari zaio
Donald Trump boterera itzuli zenetik urtebete betetzen den honetan, EITBk Pennsylvaniako Lancaster konderria bisitatu du. Azken hauteskunde presidentzialetan Donald Trump garaile argia izan zen bertan. Datuek bizimodua gero eta garestiagoa dela erakusten duten arren, Trumpen boto-emaileek denbora eman behar zaiola diote.
Trumpek ohartarazi duenez, ez duenez Nobel saria lortu, ez dago "bakean soilik pentsatzera behartuta"
AEBko presidenteak Norvegiako lehen ministroari bidalitako gutun batean azaldu duenez, "orain AEBren onerako" jardungo du, eta "NATOren alde beste edonork baino gehiago" egin duela gaineratu du.
EBko herrialdeak deituko ditu Costak datozen egunetan, Trumpi erantzun bateratua emateko
Igande honetan Europako enbaxadoreekin izandako bileraren ostean, Europako Kontseiluko presidenteak azpimarratu du EBko herrialdeak prest daudela "edozein hertsapenen" aurrean bere burua defendatzeko, baina baita "interes komuneko gai guztietan AEBrekin modu eraikitzailean hitz egiten jarraitzeko ere".