Bielorrusiako eta Georgiako bi kazetarik, biak kartzelan, irabazi dute Sakharov saria
Andrzej Poczobut kazetari bielorrusiarrak eta Mzia Amaglobel kazetari georgiarrak "askatasunari eta demokraziari" egindako ekarpena aitortu ditu Europako Parlamentuak, urtero banatzen duen sari honekin.
Europako Parlamentua, artxiboko irudi batean.
Andrzej Poczobut (Bielorrusia, 1973) eta Mzia Amaglobeli (Georgia, 1975) kazetariek jasoko dute aurtengo Sakharov saria, adierazpen askatasunaren eta giza eskubideen alde egindako ekarpenagatik. Egun, biak espetxean daude.
Roberta Metsola Europar Parlamentuko presidenteak jakinarazi ditu saridunen izenak, goizean. "Bi kazetariak espetxean daude, asmatutako salaketen ondorioz. Euren lana egiteagatik eta bidegabekerien kontra ahotsa altxatzeagatik daude kartzelan. Euren ausardiak askatasunaren eta demokraziaren ikur bihurtu ditu. Etxe hau eurekin eta askatasuna aldarrikatzen duten guztiekin dago", esan du.
Kazetaria eta idazlea lanbidez, Aleksandr Lukaxenkoren erregimenarekin kritiko agertzeagatik da ezaguna Pczobut. 2021ean zortzi urteko espetxe zigorra ezarri zioten. Amaglobeli, berriz, urtarrilean atxilotu zuten, Georgiako Gobernuaren kontrako protestetan parte hartzeagatik. Bi urteko espetxe zigorra ezarri zioten.
Euroganberako talde popularrak eta ultrakontserbadoreak proposatu zuten Poczobuten izena, eta Amaglobeliren izendapena 60 bat diputatuk osatutako talde baten eskutik etorri da, Rasa Jukneviciene diputatu popularrak gidatuta.
Saridunen izendapena jakin den egunean, Europako Parlamentuan izan dira Sviatlana Tsikhanouskaia eta Sergei Tijanovski senar-emazteak, Bielorrusiako oposizioko kideak biak. "Horiek gaur hemen egoteak gogorarazten digu zer dagoen jokoan eta zergatik Parlamentu honek beste aldera ez duen inoiz begiratuko, injustizien aurrean", esan du Metsolak.
Aurtengo beste bi finalistak Palestinan lanean ari diren kazetariak eta gobernuz kanpoko erakundeetako langileak eta Serbiako ikasleen komunitatea izan dira, talde progresistek eta talde liberalak proposatuta, hurrenez hurren.
Zure interesekoa izan daiteke
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.
Zelenskik uko egin dio Donbas uzteari eta Estatu Batuen segurtasun bermeak eskatu ditu bake akordioa sinatu aurretik
Ukrainako presidenteak esan du ez dela kontzesiorik egongo eta Washingtonekin egindako ituna giltzarria dela Errusiaren inbasio berri bat saihesteko.
Trumpek "asaldatzaile" eta "matxino" deitu dio ICEko agenteek Minneapolisen hildako Alex Prettiri
37 urteko erizaina hil baino 11 egun lehenago agenteei aurre egiten eta auto federal bati ostikoka erakusten duen bideo bat argitaratu ostean egin ditu adierazpenok AEBko presidenteak.