Krisia BBCn: Zer gertatu da eta zein dira hurrengo pausoak?
Tim Davie Erresuma Batuko irrati-telebista publikoaren zuzendari nagusiak eta Deborah Turness albistegien zuzendariak dimisioa eman dute, Trumpen hitzaldi baten manipulatutako bertsioa emititzeagatik.
BBC Erresuma Batuko irrati-telebista publikoa azken urteetako krisirik handiena bizitzen ari da egunotan, Tim Davie BBCren zuzendari nagusiak eta Deborah Turness albistegien zuzendariak dimisioa eman baitute, Trumpen hitzaldi baten manipulatutako emititzeagatik.
The Daily Telegraph egunkariak argitaratutako barne dokumentu batzuen arabera, aipaturiko dokumentalak ikus-entzuleak engainatu ahal izan zituen, Trumpen hitzaldi bat manipulatu eta 2021eko urtarrilaren 6ko Kapitolioko erasoa bultzatu zuela iradokita.
2021eko urtarrilaren 6an Kapitolioaren erasoa gertatu aurreko orduetan hau esan zuen Trumpek: "Kapitolioraino joango gara eta gure senatari eta biltzarkide ausartak animatuko ditugu, eta ziurrenik ez ditugu horietako batzuk asko animatuko". Dokumentalean, berriz, hau zioen: "Goazen Kapitolioraino... eta han egongo naiz zuekin... eta borroka egingo dugu".
BBCren barkamena
Parlamentu britainiarreko Kultura, Komunikabide eta Kirol Batzordeari bidalitako gutun batean, Samir Shah BBCren presidenteak barkamena eskatu du eta onartu du dokumentalaren edizioan "irizpide akatsak" egon direla.
Adierazi duenez, edizioaren helburua zen "audientziak hobeto ulertzea Trump presidentearen aldekoek haren mezua nola jaso zuten eta une horretan zer gertatzen ari zen".
Trumpen mehatxua
Trumpek 1.000 milioi dolarreko demanda jartzearekin mehatxu egin dio BBCri, baldin eta haren aurkako “adierazpen iraingarriak" atzera botatzen ez baditu.
Presidente estatubatuarrak "dokumentala berehala, osorik eta modu justuan zuzentzea” eta engainagarritzat jotzen diren adierazpen batzuk atzera botatzea nahi du, "jatorrizko" hitzak errespetatuz. Halaber, "berehala barkamena” eskatzea eta “egindako kaltearengatik konpentsazio egokia ematea" ere eskatu du.
Eta, orain, zer?
BBCko Administrazio Kontseiluak (14 kide ditu: 10 kide ez exekutibo eta lau kide exekutibo) aukeratuko du hurrengo zuzendari nagusia.
Tim Davie ordezkatzeko hautagaien artean Charlotte Moore dago, BBCko Edukien zuzendari izandakoa. Gaur egun, Left Bank Pictures ekoiztetxeko zuzendari nagusia eta Sony Pictures Televisioneko goi karguduna.
Halaber, hautagaien artean daude Jay Hunt, Alex Mahon, Carolyn McCall eta Jane Turton ere.
Zure interesekoa izan daiteke
Trumpek adierazi du bat datorrela Xi Jinpingekin Irango gerrari amaiera emateko eta Ormuz berriz irekitzeko beharrarekin
Txinako hiriburuan egin den topaketa Irango krisian eta horrek merkataritza globalean dituen ondorioetan oinarritu da, Ormuzeko itsasarteari arreta berezia eskainiz.
Munduko Futbol Txapelketan bero izugarria izan daitekeela ohartarazi du ikerketa batek, eta egutegia berriz planteatzeko eskatu diote FIFAri
2026ko Munduko Futbol Txapelketako partiden laurdenean bero izugarria egin behar du, eta arriskutsua izan daiteke. Estatu Batuek, Mexikok eta Kanadak antolatuko duten txapelketan jokalari eta zaleek izango dituzten arriskuez ohartarazi du ikerketa zientifiko batek.
Xik Trumpi ohartarazi dio Taiwanekiko harremanak "txarto kudeatzea" bi herrialdeen arteko gatazka ekar dezakeela
AEBko eta Txinako presidenteek eta bi herrialdeetako ordezkariek bilera egin dute gaur goizean, sintonia onean. Horren emaitza da Trumpek egin duen iragarpena: hilabete batzuen buruan beste bilera bat egingo dute, Washingtonen.
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da. Hortaz, Ambition gurutzaontziak bidaia jarraituko du, eta, dena ondo bidean, datorren astelehenean iritsiko da Getxora.
Trump Pekinera iritsi da: Bi egun emango ditu han eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, Air Force One hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handietako ia hogei enpresaburu.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.