Trumpek bazuen Epsteinen jokabide kriminalen berri eta biktimetako batekin "hainbat ordu" eman zituen
Epsteinen kasuarekin lotuta, orain arte zabaldu gabeko mezu elektronikoak eraman dituzte legelari demokratek AEBko Kongresura, eta Trumpi buruzko informazioa dakarte.
Trump, Epstein ondoan duela, Erresuma Batuko Windsor gazteluko dorre batean proiektatuta. Artxiboko irudia.
Jeffrey Epsteinen kasuarekin lotuta, dokumentu berriak zabaldu dituzte gaur. 2019an espetxean bere buruaz beste egin zuen pederastaren hainbat mezu elektroniko eraman dituzte Kongresura Alderdi Demokratako legelariek, eta horietako batean, Epsteinek zioen Donald Trump AEBko presidenteak bazuela haren jokabideen berri. Zehazki, idatzi zuen Trumpek bazuela "emakumeen kontuaren berri" eta biktimetako batekin "hainbat ordu" igaro zituela.
Informazio hori zabaldu eta berehala, Etxe Zuriko eta Alderdi Errepublikanoko iturriek mezuetan agertzen den biktimaren izena zabaldu dute: Virginia Giuffre, Windsorko Andrew printze ohiak sexu-abusuak egin zizkiola salatu zuen emakumea. Apirilean zendu zen.
Hiru mezutan agertzen da Trumpen izena. 2011koak, 2015ekoak eta 2019koak dira, eta Epsteinen auzia ikertzen ari den batzordeak eskuartean dituen 20.000 artxiboen zati txiki bat baino ez dira. Enpresaburu estatubatuarrari haurren trafikoa eta sexu-abusuak leporatu zizkioten. Epaiketa egin baino lehen hil zen.
Joan den irailean, ikerketa-batzordeak Epsteinek 50 urtebetetzean jasotako mezuak zabaldu zituen, eta, tartean, Trumpek egindako marrazki bat zegoen: emakume baten gorpuaren marrazki baten barruan idatzitako mezua zen. Presidente estatubatuarrak ukatu egin zuen marrazkiaren egilea bera zela, eta ziurtatu zuen Epsteinengandik urrundu egin zela, haren kontrako salaketak zabaldu aurretik.
Oraingoz, Trumpek ez du adierazpenik egin gaur argitaratutako mezuen inguruan. Nolanahi ere, Karoline Leavitt Etxe Zuriko eledunak hedabideei igorritako mezuaren arabera, demokratek "komunikabide liberalei" filtratutako informazio faltsua da, "narratiba okerra" zabaltzeko.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.