7,6 graduko lurrikara batek Japoniako iparraldea astindu du eta tsunami alerta ezarri dute
Agintariek 23.000 pertsona baino gehiago ebakuatu dituzte hiru metrorainoko olatu arriskuagatik. Tohoku Electric Power enpresa, lurrikararen inguruan dauden bi zentral nuklearren operadorea, lantegietako egoera aztertzen ari da.
Lurrikararen epizentroa geolokalizatzen duen mapa.
7,6 graduko lurrikara batek Japoniako iparraldea astindu du astelehen honetan, hainbat zauritu eraginez, eta Japoniako Meteorologia Agentziak (JMA) alerta ezarri du 3 metrorainoko tsunami arriskuagatik. Alerta hori dela eta, 23.000 pertsona ebakuatu dituzte, badaezpada ere.
Japonian 23:15 zirenean (14:15 GMT) izan da lur mugimendua, Aomori prefekturako kostaldearen aurrean, artxipelagoaren ipar-ekialdean, 50 kilometroko sakoneran kokatu delarik epizentroa, agintari meteorologikoen arabera.
7 maila ditu lurrikarak neurtzeko eskala japoniarrak eta 6. maila gorenekoa izan da berau Hachinohe hirian eta 6. maila baxukoa Oirase eta Hashikami herrietan.
NHK kate publikoak xehetasunik eman gabe jakinarazi duenez, hainbat pertsona zauritu dira Hachinoheko hotel batean.
Lurrikara lurraldearen zati handi batean nabaritu da, herrialdearen iparraldetik erdialdera eta ekialdera, Tokion barne, non mugimendua 2. mailara iritsi den eskala sismiko nazionalean.
Tsunami alerta
JMAk tsunami alerta bat aktibatu du, 3 metrorainokoa, Aomori prefekturarako, Iwaterako eta Hokkaido uharteko hegoaldeko puntarako.
Meteorologia agentziak lehen tsunami olatua iritsi dela egiaztatu du, 40 zentimetrokoa, Mutsu-Ogawarako portuan, Aomorin, 23:43an (14:43 GMT), eta antzeko beste bat Urakawako portuan, Hokkaidon, zazpi minutu geroago.
Miyagi eta Fukushimako prefekturentzat eta Hokkaido hegoaldeko kostaldeentzat ere tsunami alerta ezarri dute, baina kasu honetan metro batera artekoa, eta Ozeano Bareko kostalde osoan mareak izan ditzakeen aldaketengatik alerta txikiagoa ezarri dute.
Sanae Takaichi Japoniako lehen ministroak talde berezi bat osatu du egoeraren jarraipena egiteko, eta erakundeei "herritarrentzatko informazio egokia berehala emateko eta kalteak prebenitzeko neurriak hartzeko" eskatu die.
Tohoku Electric Power enpresa, Higashidori eta Onagawa zentral nuklearren operadorea, instalazioetako egoera aztertzen ari da, Minoru Kihara Gobernuko bozeramaileak adierazi duenez.
Zure interesekoa izan daiteke
AEBko agintaldi erdiko hauteskundeak, Trumpen hurrengo "erronka"
Mid termhauteskundeak, edo agintaldi erdikoak, azaroko lehen astelehenaren ondorengo asteartean egiten diren bozketak dira, hauteskunde presidentzialik ez dagoen urteetan. Ordezkarien Ganberako kide guztiak aukeratzen dira (bi urtetik behin berritzen da erabat) eta Senatuaren heren bat (sei urterako aukeratzen dira).
Europako Parlamentuak EB-Mercosur akordioa geldiarazi eta Europako justiziara bidali du
Europar Batasunak Hego Amerikarekin duen merkataritza libreko akordio polemikoa blokeko auzitegi gorenera bidaltzearen alde bozkatu du asteazken honetan Europako Parlamentuak, Batasuneko itunekin bateragarria den azter dezan. Bi urte ere jo dezake prozesuak, eta, akordioa ezereztera ere irits liteke.
Timothy Busfield aktorea digitalki ezabatuko dute bere hurrengo filmetik, haurrei sexu-abusuak egin izana leporatu diotela-eta
Urtarrilaren 9an Busfield atxilotzeko agindua eman zen adingabe baten aurkako sexu-abusuak egitea egotzita, eta handik egun batzuetara bera agertu zen agintarien aurrean. Mendekua dela dio, eta adingabeen gurasoek iruzurren historia luzea dutela. Epaile batek bere erantzukizunpean aske uztea agindu du, epaiketaren zain.
Trumpek ez du Macronen proposamena onartu eta ez du G7aren goi bileran parte hartuko
AEBko presidenteak hori erantzun dio G7aren ezohiko goi bileran parte hartzeko Frantziako estatuburuak egindako proposamenari. Trumpek ez du onartu, Parisen, Errusiaren parte-hartzearekin, egingo den bilerara joatea, uste baitu Macroni "gutxi" geratzen zaiola Eliseoan.
Macron, Davosen: "Ez gara kikildu behar Estatu Batuen mehatxuen aurrean"
“Koherentziaz jokatu ezean”, NATO “ahuldutako erakundea” dela ohartarazi du Frantziako presidenteak.
Von der Leyen: "EBk Groenlandiari buruz emango duen erantzuna irmoa, batua eta proportzionala izango da"
Europako Batzordearen presidenteak Artikoko segurtasuna indartzeko inbertsioa handitzea defendatu du.
Trumpek urtebete baino ez du behar izan Estatu Batuak eta munduko ordena hankaz gora jartzeko
Donald Trumpen gobernu pertsonalistak AEBko demokraziaren zutabeak dardarka jarri dituela diote aditu batzuek. Juanma Benitez Columbiako Unibertsitateko irakasleak eta Brett Bruen Barack Obamaren aholkulari ohiak Donald Trumpen bigarren agintaldiko lehen urtearen balorazioa egin dute EITBrentzat.
Muga-zergak eta interbentzionismoa, Trumpen atzerri politikaren gakoak
Protekzionismo ekonomikoa eta beste potentziekiko merkataritza gerrak izan dira protagonista Trumpen bigarren agintaldiaren lehen urtean. Mikel Reparaz EITBren nazioarteko buruak Donald Trumpen kanpo politikaren gakoak aletu ditu, Etxe Zurira iritsi zela urtebete bete den honetan.
Trumpek Groenlandiari buruzko erasoa areagotu du, adimen artifizialak egindako irudiak erabilita, Davosera iritsi aurretik
"Davos interesgarri oso izango da", aurreratu du presidenteak, bere hitzen eta keinuen aurrean ikusminak markatutako goi-bileran.
Israel UNRWAk Jerusalem ekialdean dituen eraikinak suntsitzen hasi da
Israelgo Atzerri Ministerioak erasoa justifikatu du "Israelgo Estatua Jerusalemgo Unrwa konplexuaren jabea" dela esanda. Jonathan Fowler UNRWAren bozeramaileak, bere aldetik, azpimarratu du eraikin multzo hori "Nazio Batuen egoitza" dela.