Maria Corina Machado ez da Oslora joango Bakearen Nobel saria jasotzera
Nobel Akademiaren zuzendariak Norvegiako NRK hedabideari jakinarazi dionez, ez dakite Machado non dagoen, baina "Norvegian ez dago".
Maria Corina Machado Venezuelako oposizioko buruak ez du parte hartuko, asteazken honetan, Oslon egingo den Bakearen Nobel saria banatzeko ekitaldian, NRK Norvegiako hedabideak Nobel Akademiaren iturriak aipatuz jakinarazi duenez.
Kristian Berg Harpviken Nobel Akademiaren zuzendariaren arabera, ez dakite Machado non dagoen, baina "Norvegian ez dago".
"Zoritxarrez, oraingoz ez dago Norvegian, eta ez da Osloko Udaleko agertokian egongo gaur, 13:00etan, sari banaketa ekitaldia hasten denerako", baieztatu du Nobel Akademiaren zuzendariak. Azaldu duenez, Ana Corina Sosa alabak jasoko du saria haren ordez, eta berak izango du eskertza mezua irakurtzeko ardura ere.
Bakearen Nobel saria jasotzeko bezperan, Machadok eman behar zuen prentsaurrekoa bertan behera uzteak zalantzak areagotu zituen.
"Maria Corina Machadok berak adierazi du zein zaila den Oslora joatea. Beraz, une honetan ezin dugu informazio gehiago eman Bakearen Nobel sarirako noiz eta nola iritsiko den jakiteko", jakinarazi zuten antolatzaileek atzo bidalitako ohar labur batean.
Machadok berak duela egun batzuk baieztatu zion Nobel Institutuari Norvegiako hiriburura joan egingo zela saria jasotzera.
Azkenean, ordea, ez da Oslora joango.
Machado klandestinitatean bizi da iazko uztaileko presidentetzarako hauteskundeetan iruzurra egon zela salatu zuenetik. Azken agerraldi publikoa urtarrilean izan zen, Nicolas Madurok kargua hartu bezperan.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak "askatzeko" operazioa iragarri du gaurtik aurrera.
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.