Nicolas Maduro atxilotu dutela baieztatu du Trumpek eta AEBetan epaiketa penala egingo diote
AEBko presidentearen arabera, gaurko erasoak "arrakasta" izan du. Marco Rubiok esan du Maduro AEBn epaituko dutela.
Donald Trump AEBko presidenteak esan du Ameriketako Estatu Batuek "arrakastaz" egin dutela "Venezuelaren eta Nicolas Maduro presidentearen aurkako erasoa".
"Operazioa Estatu Batuetako indar armatuekin batera egin da", adierazi du Trumpek Truth Social sare sozialean, eta gaur 11:00etan (17:00etan Euskal Herrian) Mar-a-Lagotik (Florida) egingo duen prentsaurrekoan informazio gehiago emango duela iragarri du.
Trumpek baieztatu egin du erasoa, Caracasen eta herrialdeko beste leku batzuetan leherketak eta hegazkin militarren hegaldiak izan eta ordu gutxira.
Marco Rubio AEBko Estatu idazkariak larunbat honetan adierazi duenez, Nicolas Madurok epaiketa penala izango du AEBn, eta ez da ekintza militar berririk espero herrialdean, Mike Lee senatari errepublikanoak harekin elkarrizketa bat izan ostean esan duenez.
"AEBk Nicolas Maduro atxilotu dute, Estatu Batuetan kargu penalengatik egindako epaiketa bati aurre egiteko, eta gaur gauean ikusi ditugun operazio militarrak atxilotzeko agindua betetzen ari zirenak babesteko eta defendatzeko egin dira", zabaldu du X sare sozialean Lee senatariak Rubiorekin hitz egin eta gero.
Operazio militarra
Fox Newsek zabaldutakoaren arabera, gaueko operazio militarrean Chinook helikopteroak eta indar berezien beste baliabide batzuk erabili dituzte Maduro harrapatzeko.
CBS Newsen esanetan, Delta Force AEBko Armadako eliteko indar berezietako talde batek harrapatu du Maduro.
Administrazioko iturriek adierazi dutenez, Trumpek duela egun batzuk eman zien argi berdea eraso militarrei, hainbat hilabetez Venezuelako kostan AEBko militarren presentzia handitu eta Etxe Zuriak Madurori agintea uzteko eskatu ostean.
The New York Times egunkariari eskainitako elkarrizketa labur batean, Trumpek esan du "operazio bikaina" izan dela, eta gaineratu du gaurko prentsaurrekoan jakinaraziko duela Kongresuari erasoen berri eman zion, gerra deklaratzeko ahalmena horrena baita.
Delcy Rodriguez Venezuelako presidenteordeak, bere aldetik, Nicolas Maduroren eta lehen damaren bizi-frogak eskatu dizkio AEBko Gobernuari.
Zure interesekoa izan daiteke
Iranekin akordioa lortzeko erabakirik hartu gabe amaitu du Trumpek bilera Etxe Zurian
AEBko presidenteak iragarri zuen ostiral honetan hartuko zuela gerraren inguruko "azken erabakia".
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin konpainiaren kohete batek eztanda egin du Floridan, jaurti aurretik egindako proba batean
New Glenn kohetearen motorrak pizteko proba batean gertatu da leherketa, jaurtiketa egin aurretik egin ohi duten probetako batean.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.