AEBk Venezuela bonbardatu eta Maduro atxilotu du
Donald Trump AEBko presidenteak berak baieztatu du "maila handiko" erasoa egin dutela bart Venezuelan, eta presidentea atxilotu eta bertatik atera dutela. Venezuelako Gobernuak Armada eta Polizia zabaldu ditu herrialde osoan.
Hainbat leherketa izan dira larunbat goizaldean Caracasen, Donald Trump AEBko presidenteak Venezuelako zenbait guneri eraso egiteko agindua eman ostean.
Nicolas Maduro Venezuelako presidentea atxilotu eta bertatik eraman dutela ere jakinarazi du presidente estatubatuarrak, eta "maila handiko erasoa arrakastatsua" izan dela.
Fox Newsek galdetutako iturrien arabera, AEBk gauean egindako operazioan "Chinook" helikopteroak eta indar berezien beste baliabide batzuk erabili dituzte Maduro harrapatzeko.
CBS Newsen arabera, Delta Force AEBko Armadako eliteko indar berezietako talde batek harrapatu du Maduro.
AEBko Administrazioaren hitzetan, Trumpek duela egun batzuk eman zion argi berdea erasoaldiari, hainbat hilabetez Venezuelako kostaldean AEBko indarren presentzia handitu eta Etxe Zuriak Madurori agintea uzteko eskatu ostean.
The New York Times egunkariari eskainitako elkarrizketa labur batean, Trumpek adierazi du "operazio bikaina" izan dela. Halaber, presidenteak esan du gaurko prentsaurrekoan jakinaraziko duela Kongresuari erasoen berri eman ote zion, gerra deklaratzeko ahalmena horrena baita.
"Eraso militar larria"
Venezuelako Gobernuak salatu du AEBk "eraso militar larria" egin duela Mirandan, Araguan, La Guairan eta Caracasen.
Lehen unetik, Venezuelako Gobernuak AEB jo du zuzenean erasoen arduradun. Latinoamerikako agintarien arabera, "Venezuelaren baliabide estrategikoez jabetzeko, bereziki petrolioaz eta mineralez, Venezuelaren independentzia politikoa indarrez hausten" saiatzen ari da Trump.
Ohar batean, Gobernuak jakinarazi du estatuburuak "kanpo astinaldi egoera deklaratzen duen dekretua ezartzeko agindua" eman duela, "herritarren eskubideak eta errepublikako erakundeen erabateko funtzionamendua babesteko eta berehala borroka armatura igarotzeko".
Dekretu horren barruan, Armada eta Polizia herrialde osoan barreiatzeko agindua eman du.
Vladimir Padrino Kolonbiako Defentsa ministroak baieztatu du "gerra helikopteroek" eraso diotela Tiuna forteko base militarrari, eta bertako hedabideek esan dute erasoak izan direla La Carlota koartelean eta Higuerote aireportuan, El Volcan antenan eta La Guairako portuan. Oraingoz ez dute biktimen berririk zabaldu.
Kolonbiak, Iranek edo Kubak, besteak beste, AEBren erasoa gaitzetsi dute; Javier Milei Argentinako presidenteak, berriz, pozik hartu du, hauxe esanez: "Viva la libertad, carajo".
Ohartarazpenak
Trump presidenteak azaroan ohartarazi zuen Venezuelan erasoak egiteko aukera zegoela, Venezuelaren eta Nicolas Maduroren gobernuaren aurkako kanpainaren erdian.
Ostiralean, Donald Trump AEBko presidenteak "instalazio handi" baten aurkako erasoa iragarri zuen, Venezuelak gidatutako narkotrafiko sare baten aurkako kanpainaren barruan, baina ez zuen zehaztu erasoa non egingo zuen.
Ostegunean, Madurok elkarrizketa batean esan zuen bere herrialdeko defentsa sistemak Venezuelako "lurralde osotasuna" bermatuko duela, balizko lurreko eraso horren inguruan galdetu ziotenean.
Zure interesekoa izan daiteke
Maduroren argazki berriak argitaratu dituzte espetxetik: "Irmo gaudela jakin dezazuela nahi dut"
Argazkiek 2026ko ekainaren 25eko data dute baina bi hilabete beranduago kaleratu dira, AEBk eta Venezuelak petrolio erreserben % 20ri buruzko akordioa iragarri duten asteburu berean.
Uholdeak gertatu eta lau egunera, Trishuli ibaiaren inguruan bizi diren herritarren ezinegona gero eta handiagoa da
Olatz Urkia EITBk Asian duen korrespontsala Nepalen dago, uholdeen zero gunean. Bizirik atera diren herritarrak kexu dira etxerik gabe gelditu direlako eta ez dutelako laguntza nahikorik jaso. Bestalde, uholde gehiago izango diren beldur dira eta senideen baimenik gabe gorpuak hobiratzen ari direla salatu dute.
Islandiak uko egin dio EBn sartzeko prozesua abiatzeari
Botoen % 100 zenbatuta, ezezkoa (% 52,8) nagusitu da baiezkoak (% 47,2) baino boto gehiago jaso baititu. Bozketa estua izan da, ordea, eta baiezkoa joan da aurretik luzaroan. Emaitzak zabaldu ostean, lehen ministroak adierazi du ez duela aurrera egingo EBn sartzeko negoziazioetan.
Gutxienez zazpi pertsona hil dira Zipren ferry bat hondoratuta
Ontziak 259 bidaiari eta tripulazioko zortzi kide zeramatzan, eta Kireniako portutik abiatu eta gutxira irauli da, kostaldetik bi kilometro ingurura. Erreskate taldeak desagertuta dauden 23 lagun bilatzen ari dira.
267 pertsona zeramatzan ferry bat hondoratu da Zipren
267 pertsona zeramatzan ferry bat hondoratu da igande honetan Zipreko iparraldeko kostaldean, Kireniatik gertu. Agintarien arabera, 159 pertsona erreskatatu dituzte orain arte, eta egoera larria dela gaineratu dute.
Roman aireratu da, Hubble baino ehun aldiz ikuseremu handiagoa duen NASAren teleskopioa
NASA AEBko espazio agentziaren Nancy Grace Roman teleskopioa, inoizko teleskopio panoramiko handiena, SpaceX konpainiaren Falcon Heavy kohete batean aireratu dute igande honetan. Unibertsoa esploratuko du energia ilunari, exoplanetei eta astrofisika infragorriari buruzko erantzunak bilatzeko.
Hilabete bete da Ceutan 80.000 migratzaile sartu zirenetik
Uztaileko azken bi egunetan 80.000 migratzaile inguru igaro ziren Marokotik Ceutara, eta haietatik 5.000 eta 9.000 artean daude oraindik bertan.
Delcy Rodriguezek argitu du AEBrekin egindako petrolio ituna 25 urterako dela, eta bere baliabideen gaineko subiranotasunari eusten diola
Delcy Rodriguez Venezuelako presidente arduradunak iragarri duenez, Ameriketako Estatu Batuetako Gobernuarekin sinatutako petrolio akordioak 25 urteko iraupena izango du, Caracasek "bere baliabide naturalen gaineko subiranotasunari eutsiko dio", eta 200.000 milioi euro inguruko irabaziak izango ditu.
Tiroketa bat izan da "rave" festa batean, Suitzan, eta gutxienez pertsona bat hil da
Tiro ugari entzun dira Aarau hiriko hipodromoan, bertan festa bat egiten ari zirenean.
Gutxienez 37 pertsona hil dituzte Kieven, Errusiak munizio biltegi baten aurka egindako erasoan
Ukrainako presidenteak erantzukizunak eskatu dizkie tokiko agintariei, "munizioak etxeetatik edo bizitegi eremuetatik gertu gordetzea debekatuta dagoelako".