Errusiako petrolio-ontzi bat atzeman du AEBk, "arau estatubatuarrak urratzeagatik"
Berehala etorri da Errusiako Gobernuaren erantzuna, eta petrolio-ontzia legez kanpo atzeman dutela salatu du, Nazio Batuen 1982ko Konbentzioa —itsaso zabaleko nabigazioari buruzkoa— urratuta.
Estatu Batuetako kostazain bat, petrolio-ontziari begira. Argazkia: EFE
Ameriketako Estatu Batuek baieztatu dute Errusiako bandera duen Bella 1 izeneko petrolio-ontzia atzeman dutela Atlantiko iparraldeko uretan, arau estatubatuarrak urratu dituela argudiatuta. Etxe Zuriak azaldu duenez, Venezuelako energia konpainiei ezarritako isunei iskin egiteko Moskuk erabiltzen duen "flota mamua" delakoaren parte zen atzemandako ontzia.
Zabaldutako informazioaren arabera, AEBko Itsas Zaintzako USS Munro fragatak hartu du parte operazioan, eta hura aritu da petrolio-ontziari jarraipena egiten, auzitegi federal batek agindu eman eta gero.
X sare sozialean zabaldutako mezu batean, Kristi Noem AEBko Segurtasun Nazionaleko idazkariak azaldu du hainbat aste eman dituela ontzi errusiarrak kostazain estatubatuarrei ihes egin nahian. Bandera eta izena aldatzeraino iritsi zirela gehitu du.
Donald Trumpen Gobernuak jakinarazi du abenduan saiatu zirela petrolio-ontzia atzematen Karibeko uretan, baina ihes egitea lortu omen zuen, Atlantikoan barrrena.
Argitalpen banatan, Wall Street Journal eta CBS News hedabideek zabaldu dute duela aste batzuk Errusiak urpeko ontzi bat eta hainbat itsasontzi militar bidali zituela petrolio-ontzia porturen bateraino iritsi eta bertan babesteko, AEBk harrapatu aurretik. Washingtoni operazioa gelditzeko ere ofizialki eskatu omen zion Kremlinek. Bi iturrion arabera, Hezbollah taldearekin lotura zuzena duten enpresak daude petrolio-ontziaren atzean.
Errusiaren salaketa
Berehala etorri da Errusiako Gobernuaren erantzuna, hango Garraio Ministerioak zabaldutako ohar batean. "Legez kanpoko esku-hartzea" izan dela salatu du, Nazio Batuen 1982ko Konbentzioa urratu delako.
"Gaur, Moskun 15:00ak zirenean, AEBko kostazainek, beren mugetatik kanpo, ontzia geldiarazi dute, eta itsasontziarekiko komunikazioa galdu dugu", adierazi du Garraio Ministerioak, Telegramen.
Petrolio-ontziko tripulazioko kideei "tratu duina" eman diezaieten eskatu du Errusiako Gobernuak, eta horien "eskubideak errespetatu" ditzaten ere bai. Guztiak lehenbailehen aberriratzea exijitu du, gainera.
Kremlinek ziurtatu du joan den abenduaren 24an petrolio-ontziak Errusiako banderapean nabigatzeko baimena eskuratu zuela, nazioarteko zuzenbidearen araudia errespetatuz.
Beste petrolio-ontzi bat, Karibean
Bestalde, Ameriketako Estatu Batuetako Hegoaldeko Komandoak jakitera eman duenez, Kostazainek beste petrolio-ontzi bat atzeman dute Karibean. Segurtasun Nazionaleko idazkariaren arabera, ontzia "Venezuelan porturatu zen azkeneko aldiz, edo harantza zihoan".
Zure interesekoa izan daiteke
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, eta Irango portuetara joandako eta handik irtendako ontziak geldiarazi ditu.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.
Peter Magyar, Orbanen nagusitasunari amaiera eman dion kontserbadorea
Arlo ekonomikoan modernizatzaile, eta sozialean, kontserbadore, Magyar gai izan da bere inguruan biltzeko ofizialismoan jada gustura ez zeuden horiek, bai eta oposizio liberala eta, are, progresista ere, Orbanen eta haren Fideszen 16 urteko agintearen ostean, aldaketa gosez zirenak, guztiak ere. Ustelkeriaren kontrako diskurtso indartsuarekin, erakundeak "garbitzera" dator, funts europarrak berreskuratzera eta ekonomia biziberritzera.
Urkulluren ustez, Magyarren garaipena EBrako "itxaropen puntu bat" da, baina adierazi du zuhur jokatu beharko litzatekeela harekin
Iñigo Urkullu lehendakari eta eAtlantic fundazioaren presidenteak adierazi duenez, Europar Batasunaren ikuspuntutik, Magyarrek Orbanen aurrean lortutako garaipena "itxaropen puntu bat" da, baina "nondik datorren" kontuan hartuta, zer politika darabilen ikusi arte itxarotea eskatu du.