Groenlandiako planak onartzen ez dituzten herrialdeei muga-zergak igotzeko aukera iradoki du Trumpek
Errepublikanoak muga-zergak baliatu ditu bere bazkide komertzialen aurkako tresna politiko gisa, eta Brasilgo eta Indiako inportazioen gaineko tasak % 50eraino igo ditu 2025eko urtarrilean Etxe Zurira itzuli zenetik.
Donald Trump, AEBko presidentea. Argazkia: EFE
Groenlandia kontrolpean hartzeko planak onartzen ez dituzten herrialdeei muga-zergak igotzeko prest agertu da Donald Trump AEBko presidentea ostiral honetan, uhartea "AEBren interesetarako ardatza" dela argudiatuta.
"Baliteke Groenlandiako plana onartzen ez duten herrialdeei muga-zerga berezia ezartzea, Groenlandia behar baitugu segurtasun nazionalerako", esan du Trumpek, landa eremuko osasun laguntzari buruzko mahai-inguru batean.
Errepublikanoak muga-zergak erabili ditu bere bazkide komertzialen aurkako tresna politiko gisa, eta % 50eraino igo ditu Brasilgo eta Indiako inportazioen gaineko tasak, 2025eko urtarrilean Etxe Zurira itzuli zenetik, Jair Bolsonaro presidente ohiarekiko jarreragatik eta petrolio errusiarra erosteagatik, hurrenez hurren.
Groenlandiako lurralde autonomoa menpean duen Danimarkak irla horretan presentzia militarra nabarmen handituko duela iragarri ondoren egin ditu adierazpen horiek AEBko agintariak. Hain zuzen ere, Washingtonek iragarritako asmoen ondoren, eskualde artikoaren segurtasuna indartze aldera hartu du erabakia Danimarkak.
Frantziak, Alemaniak, Erresuma Batuak, Suediak, Norvegiak, Finlandiak eta Herbehereek, besteak beste, bat egin dute lurralde horrekin, eta tropak bidali edo bidaliko dituzte ere Groenlandiara. "Segurtasun nazionala" indartzeko eta Txinaren edo Errusiaren eskuetan ez erortzeko militarrak bidaliko zituela esan zuen Trumpek.
Etxe Zuriak ostegun honetan adierazi duenez, mugimendu horiek ez diote "inola ere" eragiten Groenlandia kontrolatzeko helburuari, lur arraroetan eta metal preziatuetan aberatsa baita.
Danimarkako Gobernuak uhartearen subiranotasuna berretsi eta Washingtonen asmoak kritikatu ditu, baina Trumpen kabinetearekin lantalde bat sortzeko konpromisoa hartu du, gaiaren inguruko "desadostasunak" aztertzeko asmoz.
Zure interesekoa izan daiteke
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.
Petrolioaren prezioak gora egin du eta gorabeherak daude itsas eta aire trafikoan, Ormuzko itsasarteko tentsioaren ondorioz
Ontzi enpresa nagusiek ez dute handik igaro nahi, eta zer gertatuko zain daude. Halaber, 3.000 hegaldi baino gehiago bertan behera utzi dituzte asteburuan, Ekialde Hurbileko gatazka lehertu denetik.
Albistea izango dira: Gatazka Iranen, Makina-Erremintaren Azoka eta martxoaren 3aren aurreko eguna
Gaurkoan Orain-en albiste izango direnen laburpena, bi hitzetan.
Hezbollak Libanotik eraso dio Israeli, eta Israelgo Armadak Beirut bonbardatu du
Donald Trump AEBko presidenteak Venezuelaren antzeko trantsizioa proposatu du Iraneraok, eta erasoaldiak "lau aste edo gutxiago" iraun dezakeela adierazi du.
EBk ohartarazi du Ekialde Hurbilak asko duela galtzeko gerra batekin, eta "moderazioa" eskatu du
Europar Batasuneko Kanpo ministroek azken orduotako erasoak salatu dituzte, eta Ormuzko itsasartean zirkulazioa etetea saihesteko eskatu dute, besteak beste.
Irango buruzagi berriekin negoziatzeko prest agertu da Trump
"Hitz egin nahi dute, eta onartu egin dut; beraz, haiekin hitz egingo dut", adierazi du telefonoz egin dioten elkarrizketa batean. Hala ere, ez du zehaztu noiz hasiko diren negoziatzen. Bestalde, Omango Atzerri ministro Badr al Busaidik ziurtatu du Irango bere kide Abas Araqchik esan diola eginahalak egingo dituela erasoak gelditzeko eta egonkortasuna berreskuratzeko"
Khameneiren ondorengoa aukeratu arte herrialdea zuzenduko duen triunbiratua osatu du Iranek
Lehen begiratuan, badirudi Alireza Arafi klerikoa Irango kupulatik eta segurtasun estamentutik urrun dagoela, baina oso inplikatuta dago klerikoen eguneroko zereginetan.
Ziurgabetasuna nagusi hegaldiak bertan behera geratu eta harrapatuta geratu diren euskal herritarren artean
Dozenaka hegaldi bertan behera geratu dira azken orduotako erasoen ondoren, eta milaka turistak ez dakite noiz itzuli ahal izango diren etxera.