Rutteren esanetan, Groenlandiako subiranotasuna "ez zen eztabaidatu" Davosen Trumpekin izandako bileran
Danimarkako Gobernuak "txalotu" egin du Trumpek "Groenlandia indarrez hartzea baztertu eta gerra komertziala bertan behera utzi izana". Mette Frederiksen Danimarkako lehen ministroaren esanetan, "gai politiko guztien inguruan negozia dezakegu: segurtasuna, inbertsioak, ekonomia. Baina ez dugu gure subiranotasunaren inguruan negoziatuko".
Mark Rutte NATOko idazkari nagusiak ziurtatu duenez, Groenlandiaren subiranotasuna "ez zen jorratu" asteazken honetan Davosen Donald Trump Ameriketako Estatu Batuetako presidentearekin izan zuen bileran.
"Gai hori ez zen planteatu presidentearekin izan nituen elkarrizketetan", adierazi du AEBko Fox News telebista katean egindako elkarrizketa batean, Trumpek iragarritako akordioaren baitan, Groenlandia Danimarkaren subiranotasunaren menpe egongo ote zen galdetu diotenean.
Ruttek adierazi duenez, Etxe Zuriko maizterra "oso zentratuta dago Artikoko eskualde handi-handi hori babesteko zer egin behar dugun pentsatzen, izan ere, aldaketak ari dira gertatzen han, eta Txina eta Errusia gero eta aktiboago dabiltza lurralde horretan".
Trumpek sare sozialetan muga-zergen mehatxua erretiratu ostean iritsi dira adierazpen horiek. AEBko presidenteak iragarri duenez, "elkar ulertzearen" ondorioz, handi-mandiak erabaki du otsailaren 1ean indarrean sartzekoak ziren muga-zergak Europako zenbait herrialdetako produktuen gainean ez jartzea. "Urrezko Kupulaz eta Groenlandiaz ere" hitz egiten ari direla azaldu zuen Trumpek.
Danimarkak eta Groenlandiak marrak ezarri dituzte
Danimarkako Gobernuak "txalotu" egin du Trumpek "Groenlandia indarrez hartzea baztertu izana eta gerra komertziala bertan behera utzi izana". "Eguna hasi baino hobeto amaitu da", adierazi du bart Lars Lokke Rasmussen Danimarkako Atzerri ministroak.
Mette Frederiksen Danimarkako lehen ministroak ostegun honetan adierazi duenez, AEB NATOrekin lantzen ari den Groenlandiaren inguruko akordioan ez zen Danimarkaren subiranotasunari buruz eztabaidatu, Mark Rutte NATOko idazkari nagusiak jakinarazi dionez.
"NATOk garbi dauka Danimarkako Erresumaren jarrera zein den. Arlo politikoan edozer negozia dezakegu: segurtasuna, inbertsioak, ekonomia. Baina ez dugu gure subiranotasunaz negoziatuko. Jakinarazi didate ez dela halakorik izan. Danimarkak eta Groenlandiak soilik har ditzakete erabakiak Danimarkaren eta Groenlandiaren gaineko kontuez", adierazi du Frederiksenek ohar batean.
Aaja Chemnitz Larsen Groenlandiako diputatuak, Danimarkako Parlamentuan lurralde erdiautonomoaren bi ordezkarietako batek, New Yorkeko handikiak asteazken honetan zabaldutakoa erokeria "borobiltzat" jo du. Facebooken argitaratutako argitalpen batean azaldu duenez, "NATOk ez du, inolaz ere, eskumenik gu gabe, Groenlandia gabe, ez da ezer negoziatzeko", eta adierazi du "erabat pentsaezina" dela Aliantza Atlantikoak "herrialdeari eta mineralei buruz zer esanik izatea".
"Guri buruz baina gu gabe, ezer ez. Ez dago ezer negoziatzerik, elkarrengandik urrunegi baikaude. Beraz, ezer ez", esan du. Ziurtatu duenez, politikoki ahal dugun guztia egiten ari gara eta elkarrizketa eta babes handia dugu". Trumpen Administrazioari egotzi dio "erabateko nahasmena" eragin izana, "ezagutu dugun gauza on guztiak alde batera uzten ari da: demokrazia, elkarrizketa eta errespetua".
Zure interesekoa izan daiteke
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko bide bakartzat.
Mundua Ormuzera begira dagoen bitartean, gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzeko itsasartean eta, ez kentzekotan, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.
Macron: "Ormuzko itsasartea pixkanaka irekitzeko defentsa-misio bat martxan dago"
Misio hori "herrialde europar eta ez europarrekin" egin beharko litzateke, "behin gatazkaren faserik kritikoena amaitutakoan". Estatuburuak zehaztu duenez, planak "laguntza helburu baketsua" izango luke, eta hainbat ontzi mota "eskoltatzea" izango litzateke bidea, "gasa eta petrolioa" berriro Ormuzetik igaro ahal izateko. Bestetik, G7 herrialdeek ez dute momentuz erreserban daukaten petrolioa askatuko, nahiz eta ez duten baztertzen etorkizunean erabaki hori hartzea.