Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago, baina ospitaleek eta ur-hornidurarako azpiegiturek dute lehentasuna.
Kubako 16 zentral termikoetatik bostera eta bi zentro sorgailutara energia eramanda, argindarra berreskuratzen ari da Kuba, astebetean izan duen bigarren 24 orduko itzalaldiaren ostean, bertako Energia eta Meategien Ministerioak (Minem) jakitera eman duenez.
Batasun Elektrikoak (UNE) jakitera eman duenez, Habanan elektrizitate zerbitzuaren % 70 inguru berrezarri da, ospitaleak dauden zirkuituei eta ur hornidura azpiegiturei lehentasuna emanez. Hala ere, ohartarazi duenez, elektrizitatearen sorkuntzaren defizitak eragina izaten jarraitzen du oraindik, eta 90 zirkuitutan korrontea berrezartzeko dago.
Sistema Elektriko Nazionala (SEN) berriz konektatzeko, mikrosistemak edo "uharteak" sortu behar dira abiarazte sinpleko iturriekin (eguzki energiarekin, energia hidroelektrikoarekin edo motor sorgailuekin) energia sortzen hasteko. Gero, uharte horiek elkarrekin konektatzen dira, eta, odnoren, elkarren artean konektatzen diren eskualde-eremu txikietara eramaten dira, elektrizitatea ekoizten duten zentral termikoak hornitzeko eta SENekin sinkronizatzeko.
Prozesu horretan, lehen, dieselaz eta fuel-olioaz hornitutako sorgailuak erabiltzen ziren, pizteko azkarrak direlako eta ez dutelako argindarrik behar. Baina joan den urtarrilean AEBko Gobernuak Kubari petrolioa erosteko jarri zizkion mugen ondoren, erregairik gabe geratu da.
Uhartearen egoera energetikoa kritikoa zen SENen kolapso berri honen aurretik ere, Habanan bertan 15 orduko itzalaldi elektriko luzeak izan baitziren.
Sistemaren zazpi itzalaldietatik gehienak akats eta matxurekin lotuta egon dira, batez ere Antonio Guiteras zentral termoelektrikoan, nahiz eta hondamendi naturalek ere eragin duten gertaera horietan.
Kubak krisi energetiko larria bizi du 2024. urtearen erdialdetik, eta itzalaldien historialak zazpi nazional eta beste horrenbeste partzial jasotzen ditu, bai sistema elektrikoa zaharkituta dagoelako bai AEBren petrolio-blokeoa dela eta.
Hain zuzen ere, egunotan Nuestra America elkartasun konboia Habanan dago, bertara sendagaiak, elikagaiak eta eguzki-panelak eramatera joan ostean.
Zure interesekoa izan daiteke
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.
"Persiar golko osoan" minak jarriko dituela mehatxu egin du Iranek, AEBk inguru horretako uharteetan erasoa jotzen badu
Irango Guardia Iraultzaileak entzungor egin dio Trumpek egindako mehatxuari. AEBk zentral elektrikoen kontra egiten badu, “modu berean” erantzungo duela adierazi du Guardiak.
Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.