Ukraina EBra "lehenbailehen" batzeko eskatu die Zelenskik buruzagi europarrei
Kieverako funts europarrak desblokeatzea eskertu du Ukrainako presidenteak, bere herrialdearentzat erabaki "oso garrantzitsua" dela adieraziz.
Antonio Costa, Volodimir Zelenski eta Ursula von der Leyen, gaur arratsaldean, Ayia Napan (Zipre). Argazkia: Europa Press
"Ukraina prest dago Europar Batasunera batzeko prozesua abiatzeko". Hitz horiekin, Volodimir Zelenski Ukrainako presidenteak buruzagi europarrei eskatu die bere herrialdea EBra batzeko prozesua "lehenbailehen" abiatu dezatela.
EBko estatuburuek eta gobernuburuek Zipren egin duten goi-bilera informalean izan da Zelenski, eta, besteak beste, Antonio Costa eta Ursula von der Leyen, Europako Kontseiluko eta Europako Batzordeko presidenteekin, hurrenez hurren, bildu da. Han esan die ukrainarrek jada EBn egoteko erabakia hartuta dutela, baina ez dagoela euren esku.
Europako 27ek Kieverako 90.000 milioi euroko funtsa desblokeatzea lortu dute gaur, Hungariak ezarrita zuen betoari iskin eginda. Aho batez hartu dute erabakia, eta Zelenskik eskertu egin die hori. "Guretzat erabaki oso garrantzitsua da aho batez onartu izana", esan du.
Halaber, Costak eta gainerako buruzagi europarrek goi-bileran eskatu dute, behin funtsak desblokeatuta, hurrengo urratsa Ukraina EBra batzeko negoziazio prozesua formalki hastea izatea.
Presidente ukrainarrak esan du 90.000 euro horiek armada indartzeko eta energia azpiegiturak hobetzeko erabiliko dituztela.
Zure interesekoa izan daiteke
Libanok uko egin dio Israelekin akordio batera iristeari, bere tropak hegoaldetik erabat erretiratzen ez baditu
AEBk negoziazioetan duen "funtsezko" papera nabarmendu du, eta Israelgo ordezkariei "presioa" egiteko eskatu dio Washingtoni.
EBko estatuburu eta gobernuburuak energiaz, Ormuzko blokeoaz eta Ukrainaz arituko dira, Orban gabe egingo den lehen goi-bileran
Goi-bilera antolatu dute gaur-biharretan Zipren, Europako Kontseiluko txandakako presidentetza Mediterraneoko itsasoko hirugarren uharte handienari dagokiolako. Ostiralean Ekialde Hurbileko gerra izango dute hizpide, Jordania, Siria, Libano, Egipto eta Golkoko goi-ordezkariak bertan direla.
Trumpek esan du aukera dagoela ostiralean Iranekin bake-negoziazioei berrekiteko
Asteon, Irango Gobernuak argi utzi du Estatu Batuekin berriro biltzeko prest dagoela, baina "beharrezko baldintzak" daudenean. Iran erasoei aurre egiteko "prestatua" dagoela ere esan dute bertako agintariek.
Erresuma Batuak erretzea debekatuko die 2008tik aurrera jaiotakoei
Legea datorren urtetik aurrera sartuko da indarrean, eta, horren arabera, legez kanpokoa izango da tabako-produktuak saltzea 2008. urtea ezkero jaiotakoei. Halaber, debekatu egingo da zigarro elektronikoak erretzea haurrak doazen autoetan, haur-parke, ikastetxe eta ospitaleen inguruetan.
Hainbat ontziri eraso egin diote Ormuzko itsasartean, eta areagotu egin da tentsioa
Ordu gutxitan, bi gertakari izan dira Iranen eta Omanen, Erresuma Batuko Itsas Segurtasuneko agentziak jakinarazi duenez.
Trumpek su-etena luzatu du Iranek akordiorako proposamena aurkeztu arte
Irango agintariek, bestalde, Ekialde Hurbileko eskualdean dituzten inguruko herrialdeei ohartarazi diete handik erasoak jasotzen badituzte "petrolio ekoizpena" "amaituko" dela.
?fmt=webp-alpha&qlt=80)
Europar Batasunak mahai gainean utziko du Israelekin duen elkartze akordioari buruzko eztabaida, oraingoz ez baitu ituna bertan behera uzteko adina babes
Akordioa erabat indargabetzeko beharrezkoa da hogeita zazpi kideak ados egotea; aitzitik, merkataritza-abantailak eteteko, nahikoa da gehiengo kualifikatua izatea.
Giza eskubideak "gobernu suntsitzaileen" jopuntuan daudela ohartarazi du Amnistiak
GKEak nazioarteko zuzenbidearen aurkako erasoak, autoritarismoaren gorakada eta Gazako zein Ukrainako gatazketako zigorgabetasuna salatu ditu, besteak beste.
Iranek AEBri ohartarazi dio ez duela "mehatxupean eta presiopean" negoziatuko eta Vancek bidaia atzeratu du
Su-etena amaitzeko ordu gutxiren faltan, Pakistanek Irani elkarrizketetan parte hartzeko deia egin dio. Bien bitartean, Donald Trump presidenteak ziurtzat jo du Iran Islamabadeko negoziazio mahaian eseriko dela, eta baieztatu du ordezkaritza estatubatuarra bidaliko duela. Hala ere, Vanceren bidaia atzeratzeak egonezina areagotu du.