Israelek Beiruti eraso dio berriro, Trumpek ez egiteko exijitu zion arren, eta Iranek Israelen aurka misilak jaurtiz erantzun du
Gutxienez bi pertsona hil eta 20 zauritu dira Israelen erasoan. Erantzun gisa, Iranek misilak jaurti ditu gaur gauean Israelen aurka. Irango Armadak dio Israelek erasoei erantzuten badie "erantzun suntsitzailea" emango dutela. Trumpek iragarri du Netanyahuri deituko diola erantzun ez dezan.
Gutxienez bi pertsona hil eta beste 20 zauritu ditu igande honetan Israelek Beiruteko hegoaldeko Dahye auzoko bi apartamenturen aurka egindako erasoan. Israelgo Armadak adierazi duenez, helburua Hezbollah talde xiitaren kuartel bat zen.
Tokiko komunikabideek bonbardaketaren eta eraikinei eragindako kalteen irudiak zabaldu dituzte. Auzo erresidentziala da eta leherketaren ondoren, oinezko ugari ikus zitezkeen irudietan.
Libanok eta Israelek asteazkenean su-eten bat adostu zuten baina gaurko erasoak bertan behara uzten du akordioa. Hezbollahk jada esana zion Libanoko Gobernuari ez jarraitzeko Israelekin negoziatzen.
Israelek 3.600 pertsona baino gehiago hil ditu Libanon martxotik. AEB eta Iranen arteko nagoziaketan gakoetako bat da Libano, Iranek erasoak bertan behera uztea exijitzen du baina ez dirudi Israel amore ematera doanik.
Israelek alertak aktibatu ditu "herrialdeko hainbat eremutan", Iran misilak jaurtitzen ari zaizkiolako
Gauzak honela, Israelek Libanori egindako erasoen ostean, Ebrahim Rezaei Irango Parlamentuko Segurtasun Nazionalerako eta Atzerri Politikarako Batzordeko bozeramaileak agindu du Iranek erantzun "sendoa eta mingarria" emango duela gaur gauean, eta bete egin du mehatxua.
Hala, Israelgo Indar Armatuek baieztatu dute Irandik botatako hamaika misil geldiarazi dituztela gaur gauean eta defentsa sistema guztiak aktibatuta dituztela gaineratu dute.
Israelek alertak aktibatu ditu "herrialdeko hainbat gunetan", eta herritarrei "Barne Frontearen Komandoaren jarraibideak jarraitzeko" eskatu diete, Israelgo aire-defentsaren aurkako sistema "hutsik gabekoa ez dela" gogoraraziz, eta, beraz, garrantzitsua dela "Barne Frontearen Komandoaren jarraibideak jarraitzea".
Irango Armadak dio Israelek erasoei erantzuten badie "erantzun suntsitzailea" jasoko dutela
Irango Armadak Israeli ohartarazi dionez, bere lurraldearen aurka egindako erasoei erantzuten badie edo Libano berriz bonbardatzen badu, "erantzun suntsitzaile bati aurre egin beharko dio".
Hala adierazi du Khatam al-Anbiya Operazioen Komando Bateratuko buruak, Ali Abdolahi dibisioko jeneralak, Irango hedabideek jasotako ohar batean.
Irakek iragarri du aire espazioa itxi duela oraingoz, baita Siriak ere bere lurraldearen hegoaldean.
Eta AEBetatik, Donald Trumpek dio Iranek Israel erasotzeak ez diola "negoziaketari laguntzen" eta iragarri du Netanyahuri deituko diola erasoari erantzun ez diezaion.
Zure interesekoa izan daiteke
Irango buruzagi gorenak Khameneiren heriotzarengatik mendekua hartuko duela agindu du
Zazpi egunotan aitaren hileta ospakizunetan parte hartu duten dozenaka mila herritarrei idatziz eskertu die Mojtaba Khameneik. Ali Khamenei hil zutenetik, ez da jendaurrean azaldu.
Trumpek onartu egin du Iranekin elkarrizketak berriro hastea, baina su-etena "amaitu" dela ohartarazi dio Teherani
Iranek, berriz, ukatu egin du AEBrekin elkarrizketa berriak eskatu izana. Bestalde, Iran "inoiz ez bezala" bonbardatzeko agindua eman dio AEBko presidenteak Pentagonoari, Errepublika Islamikoaren "konplot" baten ondorioz hiltzen badute.
Ali Khamenei aiatola Mashhaden lurperatu dute, sei eguneko hileta-zeremonien ostean
Irango lider gorena zenaren ehorzketarekin bukatutzat eman dituzte sei eguneko hileta-zeremoniak. Jendetza bildu da Irango kaleetan, eta erregimenak indar eta batasun irudia erakutsi nahi izan du.
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.