110.000 pertsona baino gehiago ebakuatu dituzte Arcachongo sutearen ondorioz
Agintariek ohartarazi dutenez, sua kontroletik kanpo dago Arcachongo badian, eta "2022koak baino baldintza okerragoak" ditu. Eskualde horrek bere historiako sute suntsigarriena izan zuen urte hartan. Biscarrossen, beste sute batek 2.600 hektarea erre ditu, eta, hori dela eta, 31.000 pertsona ebakuatu behar izan dituzte.
Frantzian bi sute handiren aurka ari dira lanean gaur Landetan eta Arcachongo badian. Sophie Brocas Akitania Berriko eta Girondako prefetak (Gobernuaren ordezkaria departamenduan) esan du "udako ogroak" direla, eta bigarrena, gainera, "XXL" neurrikoa eta "aurreikusi ezina" dela ohartarazi du.
Bi horiek ere zenbatuta, guztira 30 bat su daude piztuta Frantziako lurralde osoan.
"XXL" sutea Arcachonen
Brocasen esanetan, Arcachongo sutea kontrolatu ezinik jarraitzen dute; gainera, lehorte larria dute inguru horretan, eta sua itzaltzeko lanak zaildu ditzaketen haize bortitzak espero dituzte datozen orduotan.
Dagoeneko 110.000 pertsona ebakuatu dituzte modu prebentiboan inguruetan, Laurent Nuñez Frantziako Barne ministroak jakinarazi duenez, Ferret penintsula osoa barne, goizaldean suteak suhiltzaileek duela bi egun ezarri zuten defentsa-lerroa gainditu ondoren.
Nuñezen hitzetan, baso-sute hori denboraldiko handiena da, eta Gironda departamenduko Akitania Berria eskualdeko Saumos, Le Porge eta Lege-Cap-Ferret herriei eragin die. Sute horrek 14.000 hektarea baso, 53 etxebizitza eta kanpin bat suntsitu ditu. Kanpin ugari daude udalerri horietan, eta denboraldi turistiko bete-betean izan dira suteak.
TF1 telebista-katean egindako elkarrizketa batean, Nuñezek esan du Bordeleko aireportua itxita dagoela, eta agintariek hiri horretako metropoli-eremuan, Gironda departamenduko hiriburuan, ebakuazioak agindu beharko dituztela.
"Sute aldakorra da, bere burua elikatzen du eta norabidea aldatzen du; ekialderantz doa, eta Bordeleko metropoli-eremuaren norabidea hartu du", azaldu du ministroak.
Horregatik, laguntza gehiago bidaltzeko eskatu dio Sebastien Lecornu lehen ministroari, baliabide militarrak barne.
Agintarien arabera, suhiltzaileek 2.000 etxebizitza inguru salbatu dituzte bart, eta orain arte ez da inor hil.
Hala ere, 42 suhiltzaile zauritu dira jada, eta 9 ospitalera eraman behar izan dituzte, artatzera.
Marc Vermeulen Girondako Suhiltzaileen eta Erreskate Saileko Zerbitzuko zuzendariak agerraldi berean adierazi duenez, suteak "2022koak baino baldintza okerragoak" ditu. Eskualdeak bere historiako sute handienak jasan zituen urte hartan.
Gelditzen ez den sua
Guztira, Landetako Biscarrossen 2.600 hektarea erre dira, eta suak kalte handiak eragin ditu 105 etxebizitzatan eta eraikinetan.
Sugarrak aurrera egiten ari dira etengabe, eta "erabat funtsezkoa" izan da 18.000 pertsona ebakuatzea herrigunetik, eta 5.000 inguru Parentis-en-Born herritik gertu dagoen kanpin batetik eta 8.000 herritik bertatik, Gilles Clavreul Landetako prefetak prentsaurrekoan azaldu duenez.
Baso-sutea gero eta gertuago zutela ikusita, hainbat zaldi askatu dituzte, ihes egin dezaten.
Zure interesekoa izan daiteke
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.