Emmanuel Macron, liberalismoa eta europeismoa Eliseorako bidean
Hauteskundeen bigarren itzulian Marine Le Pen (Neuilly-sur-Seine, 1968) hautagai ultraeskuindarrari gailenduz gero, Emmanuel Macron (Amiens, 1977) bigarrenez izendatuko lukete Frantziako Errepublikako presidente.
Macron, Sciences Po ospetsuan hezia, 2004an hasi zen lanean Ekonomia eta Finantza Ministerioko ikuskatzaile gisa; ondoren, baina, kargua utzi eta enpresa pribatuan karrera egiten hasi zen.
Urte batzuk geroago, 2012an, François Hollande sozialistarekin elkarlanean hasi zen haren presidente izateko kanpainan. Bere garaipenarekin, Macron funtsezko kide izaten hasi zen Gobernu berrian, nazioarteko foroetan ohiko laguntzaile gisa, eta, pixkanaka-pixkanaka, Ekonomiako ministro izatera ailegatu zen.
Hala ere, bidean Hollandetik urrundu zen, eta bere "marka" propioa sortu zuen 2016an, herrialdeko "iraultza demokratikoa" egiteko asmoz. Horrela, En Marche izenarekin, Amiensekoak alderdi tradizionaletatik kanpoko hautagai gisa aurkeztu zuen bere burua, sozialisten eta kontserbadoreen higaduraren alternatiba gisa.
Kritikatzen zuen baina, aldi berean, horren parte zen sistemaren arrakaletatik sartzea lortu zuen, eta jokaldia ondo atera zitzaion. Behera etorritako Alderdi Sozialista baten eta eskandaluek zipriztindutako fronte kontserbadore baten aurrean, Macronek Eliseo Jauregiko giltzak lortu zituen 2017ko hauteskundeetan. Urte hartako maiatzean, bigarren itzulian, hiru bototik bi lortu zituen, eta, horrela, Frantzia modernoko presidenterik gazteena bilakatu zen.
Bost urteko gorabeherak
Republique en Marche izeneko alderdia formalizatuta, Macronek politika liberal eta europazaleetan oinarritu du bere agenda, argi-itzaletatik kanpo egon ez dena. Txaleko horien protestek gizartearen zati batek bere agintaldiarekiko zuen nahigabea irudikatu zuten. Era berean, oposizioak leporatzen hasi zitzaion "napoleondar kutsuak" zituela, modu pertsonalistan gobernatzen zuela eta ezbeharren aurrean bere erreakzioak motelak zirela.
Hala ere, azken hilabeteotan, Ukrainako gerraren harira, bere barne-estrategia politikoa aldatu behar izan du Macronek gatazkaren bitartekaritza-lanaren alde egiteko, eta, horri esker, Europaren eta NATOren begietara, kargua berretsi nahi duen presidenteak lider sendo baten irudia landu du.
Horrela, Macronek agintaldi bakar bateko presidenteen bolada eten dezake (Nicolas Sarkozy eta François Hollande), eta postu bat irabazi Jacques Chirac, François Miterrand eta Valéry Giscard d'Estaing bezalako agintarien zerrendan.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.