Goizuetako Eskas estazioan 51,3 litro bota ditu 24 ordutan, 14,4 litro ordubetean
Amaitu da Eusko Jaurlaritzako Segurtasun Sailak gaur goizetik 15:00ak arte prezipitazio handiengatik ezarritako abisu horia. Denean bota badu ere, Gipuzkoa eta Nafarroa arteko inguruak izan dira euritsuenak. Zaparrada handiak izan dira eta ekaitza ere lehertu da toki askotan.
Euskalmetek jakitera eman duenez, Eskas estazioan (Goizueta, Nafarroa) pilatu da euri gehien azken 24 ordutan, 51,3 litro, zehazki. Araxes estazioan (Lizartza, Gipuzkoa) 40,1 litro pilatu dira 24 ordutan, 39,3 litro Berastegin eta 35,4 Belauntzan.
Ordubetean pilatu den prezipitazio maximoa Eskasen erregistratu da, ordubetean 14,4 litro bota baititu. Behobiako estazioan ordubetean 13,5 litro pilatu dira, 12,1 litro Alegian eta 10,4 Otxandion.
Bestalde, Euskalmetek ere Twitter bidez zabaldu duenez, Ameraungo (Oriako arroa), Matxinbentako (Urolako arroa) eta Añarbeko (Urumeako arroa) estazioak maila horira iritsi dira igande honetan, azken orduetan botatako zaparradengatik, nahiz eta ari diren bere onera bueltatzen.
Bestalde, Leitzako Udalak Twitter bidez adierazi duenez, udalerriko polikiroldegia itxi behar izan dute, uholdeen ondorioz.
Arratsaldean ostarte batzuk irekiko dira, batez ere hegoaldean, eta iparraldean zaparradak bakanagoak izango dira eta txikiagoak. Ipar-mendebaldeko haizea ibiliko da eta tenperatura apur igoko da, baina hala ere giro freskoarekin jarraituko dugu.
Albiste gehiago eguraldia
Gau tropikala pasa dute Bilbon
Euskalmeten arabera, datorren gaua aurrekoaren antzekoa izango da balio termikoei dagokienez.
Albiste izango dira: Abisu horia beroagatik, Alzorrizen dimisioa eta munduko 50 jatetxe onenak
Gaurkoan albiste izango direnen laburpena, bi hitzetan.
Segurtasun Sailak abisu horia ezarri du beroagatik ostiralera arte
Gaur, tenperatura maximoak 35 gradu ingurukoak izango dira Araba hegoaldean, Ebroko ardatzean. Kostaldean, berriz, maximoak freskoagoak izango dira eta 27 gradu inguru izango ditugu. Bizkaian eta Gipuzkoan, aldiz, 33 gradura iritsi daitezke. Ostegunean eta ostiralean egoera horrek bere horretan jarraituko du: maximoak 28 gradukoak izango dira kostaldean, 33 gradukoak Bizkaiko eta Gipuzkoako barnealdean eta Arabako erdialdean, eta 35 gradukoak Ebroko ardatzean.
Andoni Aizpuru: ''Zaparrada oso gogorrak sarriago izango ditugula nabarmena da''
Andoni Aizpiruk azpimarratu duenez, "ekainean eta maiatzean bost ekaitz gogor izan ditugu Euskal Herrian". "Hemen ekaitza botatzea normala da udaberrian, baina bost izatea hilabete eta erdian ez da hain ohikoa", gaineratu du.
"Azken egunotako bero handiaren eta atmosferako goi geruzetako aire hotzaren arteko kontrasteak ekaitzak sortu ditu"
Ostiraleko ekaitz bortitzen arrazoi meteorologikoak izan ditu mintzagai Xabier Casado Eguraldia saioaren aurkezleak. Ohartarazi duenez, 16:00etatik aurrera abisu horia izango da indarrean Nafarroan eta Ipar Euskal Herrian txingorragatik eta euriagatik.
Arratsaldetik aurrera, zaparrada trumoitsuak egongo dira berriro Gipuzkoa ekialdean
Euri-jasa handiak izan daitezke leku batzuetan, eta txingorra ere bota dezake. Nafarroan, alerta horiari eutsi dio Aemetek, ekaitz gogorrak izango baitira.
Ekaitz gogorrek uholdeak eragin dituzte Gipuzkoan, Goierrin eta Tolosaldean
Larrialdi zerbitzuek 248 dei jaso dituzte ostiral gau eta larunbat goizaldeko ekaitz bortitzen ondorioz. Tren bat geldiarazi eta ebakuatu dute goizaldean Tolosan eta oraindik ere lanean ari dira Tolosaldeko hainbat errepidetan.
Eguzkiak prezipitazioei bide emango die asteburuan
Aste bukaera eguzkitsu eta bero hasiko da, baina aurrera doan heinean, giroa freskatu eta prezipitazioak egongo dira.
Ekaitzak Arabako hego-mendebaldetik sartzen hasi dira
Trumoi-zaparradak bota ditzake, zenbait lekutan handiak izan daitezke eta txingorra egin dezake. Nafarroako hegoaldeko muturrean ere zaparradak eta trumoi-ekaitzak izango dira, Espainiako Meteorologia Agentziak iragarri duenez.
Uda giroa eta beroa, maiatzeko azken egunetan
Mendebaldeko eta barneko ibarretan aise gainditu dira 30 graduak ostegun honetan. Kostaldean, ostera, brisak termometroei eutsi die.