Eguzkiaren ostean, hodeiak eta ekaitzak etorriko dira asteburuan
Tenperaturak apur bat behera egingo du igandean, ipar-haizearen ondorioz. Hala ere, udako egunak izango ditugu asteburuan zehar.
Beroak hodeiak eta, barnealdeko zenbait gunetan, trumoi-ekaitzak ekarriko ditu asteburuan. Lurraldearen zati handi batean, uda giroak jarraituko du, baina aldaketak nabarituko dira.
Gaur, ostirala, egun beroa izango dugu: erdi-mailako hodeiak eta goi-hodeiak izango ditugu zeruan, behe-laino apur bat, eta lanbroa kostaldean, baina giro eguzkitsua, oro har.
Larunbata hodeitsuagoa izango da, eta tenperatura are altua izango da, kostaldean izan ezik. Barnealdean, uda giroa nagusituko da oraindik: zerua oskarbi egongo da, eta bero-hodeiak agertuko dira arratsaldean, baina zaparrada trumoitsuak ere egin ditzake. Kostaldean ez du horrenbeste berotuko; behe-hodeiak ugarituko dira, eta egunean zehar ipar-mendebaldeko haizea sartuko denez, maximoak nabarmen jaitsiko dira.
Igandean, hodeiak ugarituko dira goizean, trinkotasuna galduko dute eta ostarte batzuei utziko diete lekua arratsaldean. Hegoaldean, giro eguzkitsua izango da beste behin. Arratsaldean, trumoi-ekaitzak izan daitezke berriro, kazkabar eta haize-bolada indartsuekin batera leku batzuetan. Iparraldeko haize leuna ibiliko da, eta beroa apalduko du denean.
Eguraldiari buruzko albiste gehiago
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.