Bero zakarra Hego Euskal Herrian: 36 ºC-tik gora Laudion, eta 37 ºC, Nafarroan
Abisu horia indarrean da barnealdean, muturreko tenperaturak direla eta. Bihar, asteartea, tenperaturek freskotzera joko dute, baina asteazkenean termometroek berriro egingo dute gora.
Bero-bolada gailendu da gaur, astelehena, Hego Euskal Herrian, eta 34ºC-tik gorako tenperaturak izan dira lurraldeko toki askotan, adibidez: 36,7 ºC Laudion, 34,8 ºC Igorren, 34,7 ºC Balmasedan, 34,2 ºC Alegrian, eta 34 ºC Agurainen, Euskalmetek jakinarazi duenez. Halaber, 33,2 ºC izan dira Oñatin, eta 30,1 ºC, Behobian.
Termometroak 37 ºC-ra hurbildu dira arratsaldeko lehen orduan Aiaran, Araban. Aurreikusi bezala, tenperaturarik altuenak Bizkaiko eta Gipuzkoako barnealdean eta Arabako ipar-mendebaldean erregistratu dira.
Euskadiko maximoa Laudioko Gardea estazioan eman da, non merkurioa 36,9 ºCra iritsi den. Saratxon, Amurrion, 36,1 ºCra iritsi da termometroa. Eremu horretatik kanpo, Agurain 36,8 ºCra iritsi da, eta Zanbrana 36ra; Gasteizek 34 ºC izan ditu gehienez.
Bizkaian tenperatura altuenak lurraldearen barnealdean izan dira: 36 ºC Igorren, 35,9 ºC Orozkon eta 35,3 ºC Balmasedan.
Egoera oso desberdina izan da kostaldean, tenperatura askoz leunagoak izan baitira, hala nola Bermeon 26,1 ºC eta Galea lurmuturrean 24,7 ºC. Zorrotzan, Bilbon, 31 ºCra iritsi dira.
Antzeko egoera gertatu da Gipuzkoan: 35,4 ºC Urkulun, 35,3 ºC Estandan, 35,1 ºC Alegian eta 34,5 ºC Oñatin. Miramonen, Donostian, termometroak 29,2 ºCra iritsi dira, eta Zarautzen 25,6 ºCko maximoan izan dira.
Uneotan indarrean da muturreko tenperatura oso altuengatik ezarritako abisu horia; izan ere, termometroek batez ere Euskadiko barnealdean eta Ebroko ardatzean egin dute gora. Maximoak 34 ºC-koak izan dira Kantauri isurialdean, 35ºC-koak trantsizio-eremuan, eta 36ºC-koak, Arabako hegoaldean.
Aitzitik, kostaldean epelxeagoak izaten ari dira, eta 28ºC-ko tenperatura maximoak izan dira gaur. Zerua oskarbi dago, baina goizean behe-lainoak eta goi-hodei batzuk izan dira. Ekialdeko haizeak iparrera egin du arratsaldean, eta barnealdeko zenbait gunetan beroa leuntzen lagundu du.
Nafarroan, beroa are handiagoa da: Lizarran 37 ºC izan dira, Iruñean eta Tuteran 36 ºC, eta Erronkarin, 35 ºC. Tenperatura minimoek nahiko leunak izaten jarraitu duten arren, giro lehorra eta hodei gutxiko zeruak nagusitu dira.
Osakidetzak lau pertsona artatu ditu
Osakidetzako Larrialdi Zerbitzuak lau pertsona artatu ditu astelehen honetako 19:00ak arte Euskal Autonomia Erkidegoan, tenperatura altuen ondorioz. Horietako bat anbulantzietan eraman dute ospitalera, eta gainerakoak lekuan bertan edo telefonoz artatu dituzte.
Eusko Jaurlaritzako Osasun Sailak ohar batean adierazi duenez, bi kasu Gipuzkoan izan dira, eta horietako bat ospitalera eraman behar izan dute; bat Bizkaian eta bestea Araban.
Tenperatura altuak jasan dituztenen profila 55 eta 75 urte bitarteko pertsonena izan da, eta horien sintomarik nabarmenenak zorabioak eta nekea izan dira.
Atsedenaldi txiki bat
Astearteak atsedenaldi txiki bat ekarriko du, eta maximoak jaitsi egingo dira, bereziki iparraldean. Euskal Autonomia Erkidegoan, tenperaturak 24-28 ºC artean ibiliko dira.
Egunaren amaieran fronte ahul batek hodeiak eta zirimiria utziko ditu euskal kostaldean, baina barnealdean zerua oskarbi egongo da. Iruñean 28 ºC-ra jaitsiko da tenperatura, eta Lizarran, 30 ºC-ra. Hala ere, Nafarroako hegoaldean sargoriak eutsiko dio; Tuteran minimoak oso altuak izango dira, eta maximoak, 33 gradukoak.
Eguraldiaren iragarpenen arabera, giroak freskotzera egingo du, tarte batez. Asteazkenetik aurrera, tenperaturak gora egingo du Nafarroan, eta maximoak 40 gradura iritsiko dira Lizarran, eta 39ra Iruñean eta Tuteran.
Zure interesekoa izan daiteke
Udaberriko giroa nagusituko da: Eguzkia eta 25 graduko tenperatura maximoak
Ostegunean tenperaturak gora egingo du eta maximoak 30 gradutik gorakoak izango dira.
Udaberria bueltan da Euskal Herrian, eta ostegunetik aurrera 30 graduen bueltan ibiliko dira termometroak
Astelehen eta asteartean tenperaturak gora egingo du, apurka, eta hodeiak egongo dira.
Bueltan da udaberria
Etzidamu iritsiko da aldaketa nabarmenena. Egun eguzkitsua eta beroa izango da asteazkenekoa, baita ostegunekoa eta ostiralekoa ere. Barnealdean, 30 graduak gaindituko dituzte termometroek.
Abuztuko eguzki-eklipse osoan murgilduta, errealitate birtualari esker
2026ko abuztuaren 12an eguzki-eklipse oso bat ikusiko da Euskal Herrian, eta Eguraldia barruan murgildu da errealitate birtualari esker. Hau da horrelako sei bideoetatik lehenengoa.. 114 urteren ondoren, minutu batetik gorako erabateko iluntasuna izango da, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria izango da ikusteko lekurik onenetarikoa.
Elurra egin du Aralarren, maiatzean
Txomin Rezolak eta David Aznarezek Aralarren maiatzaren 15ean grabatutako irudiak.
Udazken giroa eta euria barra-barra izango dira nagusi ostiral honetan
Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrengatik, 24 ordutan metro koadroko 60 litro baino gehiago pila daitezkeelako.
Eguraldi ezegonkorrak jarraituko du eta arratsaldean ekaitz-giroa izango da, Nafarroan eta Iparraldean batez ere
Egunak aurrera egin ahala hodeiak ugaritzen joango dira eta trumoi-zaparradak izango dira nonahi. Nafarroa erdialde eta hegoaldean eta Ipar Euskal Herrian abisu horia egongo da indarrean arratsaldean.
Euri erauntsi izugarria, Atarrabian
Euri erauntsi izugarria bota du, gaur arratsaldean, Atarrabian. Ordu erdiz, euria eta txingorra gogotik bota ditu, kaleren bat erreka bihurtzeraino. Halere, ekaitzak ez du aparteko kalterik eragin. Atertu eta eguzkia agertzearekin batera, ura Ultzama ibaira bideratu da, eta zorua berehala lehortu da.
Ilargiaren itzala Lurraren gainazalean grabatuko dute eguzki-eklipsearen egunean
Abuztuaren 12an, eguzki eklipse osoaz gozatzeko aukera izango dugun egunean, hainbat zunda-globo botako dira estratosferatik eklipsearen irudiak lortzeko asmoz.
Petral dator eguraldia, zerua beltz eta tenperatura fresko
Astelehen arratsaldetik aurrera, ezegonkortasuna nagusituko da. Euria egingo du aste osoan, eta tenperaturak nabarmen jaitsiko dira. Ostegun eta ostiralean, maximoak 13-14 gradu ingurukoak izango dira.