Euskal Herri osoa, alerta laranjan beroagatik
EAE alerta laranjan dago beroagatik, baita Nafarroa eta Ipar Euskal Herria ere. Euskalmetek 40 gradu inguruko tenperaturak aurreikusi ditu barnealdean, eta 30 gradutik gorakoak kostaldean.
Pertsona bat, iturri batean freskatzen. Argazkia: EFE
Beroaldiak ez du etenik ematen. Euskal Autonomia Erkidego osoa alerta laranjan dago gaur, baita Nafarroa eta Ipar Euskal Herria ere. Euskalmeten arabera, tenperaturak 40 gradu ingurukoak izango dira barnealdean eta 30 gradutik gorakoak kostaldean.
Eusko Jaurlaritzako Segurtasun Sailak alerta laranja ezarri du Euskadi osoan bero bolada honetan izaten ari diren tenperatura altuengatik.
Hain zuzen ere, 13:00etatik 20:00etara alerta ezarriko dute Araban muturreko tenperaturengatik, 38 gradura irits daitezkeelako lurralde osoan eta 39ra hegoaldean.
Egun osoan zehar alerta egongo da tenperatura altu iraunkorrengatik; izan ere, maximoak 32 gradu ingurukoak izan daitezke kostaldean, eta 37 ingurukoak Bizkaiko eta Gipuzkoako barnealdean.
Alerta horiez gain, astearte honetan abisu horia aktibatuko da berriro, baso-suteak izateko arriskuagatik, tenperatura altuak eta hezetasun erlatibo baxua direla eta.
Euskalmet Euskal Meteorologia Agentziaren arabera, asteazkenean tenperaturak behera egingo du, eta barnealdean nabarmenagoa izango da beherakada, maximoak 30 eta 34 gradu artekoak izango baitira. Arabako hegoaldean zertxobait altuagoak izango dira eta kostaldean 30 gradu ingurukoak izango dira.
Nafarroan, beroagatik ezarritako alerta laranjaz gain (gune batzuetan 39 graduko tenperaturak espero dira), suteak izateko arriskua "muturrekoa" edo "oso handia" da.
Eguraldiari buruzko albiste gehiago
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.