Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Ondarroako Arrigorri hondartza. Argazkia: Itziar Alberdi
Ostiralean, behe-hodeien hondarrak izango dira iparraldean eta behe-lainoa barnealdean, batzuetan goiz erdian desegingo dena. Ordutik aurrera, zeru urdina nagusituko da. Haizeak lasai joko du lehen orduetan, eta iparraldera egingo du arratsaldean, leun. Tenperatura minimoak freskoak izango dira, eta maximoak zertxobait igoko dira: 20 ºC Bilbon, 21 ºC Gasteizen eta 22 ºC Guardian.
Larunbatean, eguraldia epelagoa eta atseginagoa izango da. Zerua oskarbi egongo ez bada ere, goi-hodeiek ez dute ia ondoriorik izango. Goizean goiz, behe-lainoa sortuko da berriro ere barnealdean. Haizea baretu egingo da goizean, eta iparraldetik altxatuko da arratsaldean, ekialdeko brisarekin kostaldeanTenperaturak gora egingo du egunez zein gauez, eta gehienez ere tenperatura hauek harrapatuko dira : 25 ºC Bilbon, 26 ºC Gasteizen eta 27 ºC Arrasaten.
Igandean, ordea, kontrasteak itzuliko dira. Goizean, lanbroa eta lainoa espero dira, eta zerua pixkanaka estaliko da, egunaren bigarren zatian oso hodeitsu geratu arte. Ez da baztertzen arratsalde-gau partean euri txikia egitea isurialde atlantikoan, batez ere kostaldean. Iparraldeko haizea indartu egingo da, bolada gogorrekin haizeguneetan. Minimoak apur bat igoko dira, eta maximoak jaitsi egingo dira, batez ere barnealdean.
Astelehenean eta asteartean, hodeiak eta prezipitazio txiki eta sakabanatuak espero dira. Haizea ahula eta aldakorra izango da, eta tenperaturak ez du aldaketa handirik izango.
Zure interesekoa izan daiteke
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.
Ekaitzek gogor jo dute Nafarroan eta Gipuzkoan, bigarren egunez jarraian
Gauerdira arte, alerta laranja izango da indarrean ia Nafarroa osoan eta Ipar Euskal Herrian. Noainen, txingor erauntsia izan da, eta 10 minutuan 5 litro pilatu dira metro koadroko.