Nabarmen freskatuko du igandean
Tenperatura larunbatekoa baino askoz freskoagoa izango da, eta euria egingo du han-hemen.
Euskalmet euskal meteorologia agentziaren iragarpenaren arabera, igandean, giroa nabarmen freskatuko da, udazkenean gaudela gogoraraziz. Iparraldeko haizea bizi samar ibiliko da, eta maximoak, oro har, 20 gradu azpitik geratuko dira. Euria egingo du noizbehinka, batez ere egunaren lehen zatian eta ipar isurialdean, non tarteka zaparrada mardulagoak egin ditzakeen. Arratsaldean ostarteak zabalduko dira, bereziki hegoaldeko eskualdeetan.
Astelehenean, ostera ere, giro eguzkitsua gailenduko da denean, eta tenperatura maximoak nabarmen igoko dira. Minimoak, aldiz, jaitsi egingo dira, eta egunsentia freskoagoa izango da. Goizean goiz behe-lainoa sortuko da hainbat lekutan, baina, jaso ostean, zerua oskarbi geratuko da. Ekialdeko haizea ahul ibiliko da egun osoan.
Zure interesekoa izan daiteke
Abisu horia larunbat arratsalderako EAEn, euriteengatik
Aurtengoa mende honetako irailik lehorrena izan da
Udazkeneko eguraldi bete-betearekin abiatu dugu urria
Aste nahasia iraila amaitu eta urria hasteko
Tenperatura freskoagoak udazkeneko lehen astebururako
Abisu horia beroagatik gaur barnealdean, 36 ºC arteko tenperaturak izango ditugu eta
Ohi baino epelagoa eta zertxobait hezeagoa dator udazkena
Udari agur eguzkitsua egingo diogu
Asteon, eguzki epela egunez eta freskoa gauez
