140 km/h arteko haize boladek eragina izan dute Loiuko aireportuko 17 hegalditan
Haize zakarraren ondorioz, 11 hegaldi beste aireportu batzuetara bideratu behar izan dituzte, 2 jatorrizko puntura itzuli behar izan dira eta 4 bertan behera geratu dira. Bihar, osteguna, itsasaldeko arriskuagatik abisu horia egongo da ezarrita.
Haize bortitzak hainbat gorabehera eragin ditu egunean zehar. Bizkaian 140 km/h-ko haize-boladak izan dira, eta larrialdi-zerbitzuek behin baino gehiagotan irten behar izan dute. Hala ere, eraginik nabarmenena Loiuko aireportuan izan du. Haize zakarraren ondorioz, 16:30ak arte, ia ezinezkoa izan da Loiun lurreratzea, eta, ondorioz, hegaldiak bertan behera geratu dira edo beste aireportu batzuetara bideratu dituzte.
Hala, Madrildik eta Bartzelonatik goizean goiz etorritakoak euren jatorrira itzuli dira, lurreratu ezinik. Lau bertan behera geratu dira aireratu aurretik: bat Bartzelonatik, beste bat Madrildik, Istanbuldik eta laugarren bat Frankfurtetik.
Gainerakoak beste aireportu batzuetara bideratu dira. Goizean, Milandik zetorrena Bordelera bideratu da, Alacantetik zetorrena Bartzelonan lurreratu da, Palma eta Sevillatik irtendakoak Gasteizera joan dira, Munichetik zetorrena Madrilera bideratu da, Paristik zetorrena Biarritzen lurreratu da. Arratsaldean, Istanbul, Brusela eta Malagatik etorritakoak Madrilen lurreratu dira, Madrildik zetorrena Iruñeko aireportura bideratu dute, eta Marrakexetik zetorrena Bartzelonan lurreratu da.
16:30etik aurrera, ohiko martxan jardun dute Loiun.
140 km/h arteko boladak
Hori guztia haizeguneak astindu dituzten haize-bolada gogorren ondorioz izan da. Eusko Jaurlaritzak abisu horia izan du indarrean 18:00ak arte eta Euskalmetek emandako datuen arabera, asteazken honetako errekorra Urduñan izan da, 140 km/h-ko abiada hartu dute ufadek. Matxitxakon 139 km/h-ra iritsi dira, Galea lurmuturrean 132 km/h-ra eta Balmasedan 124 km/h-ra. Gipuzkoako kostaldean ere bolada zakarrak izan dira: 109 km/h Zarautzen eta Jaizkibelen.
Haizeguneak ez diren lekuetan, abisu horia 15:00etan amaitu da. Goizean zehar, 105 km/h-ko boladak izan dira Bilboko Zorrotzako geltokian, 96 km/h-koak Tobillasen, 94 km/h-koak Iurretan eta 85 km/h-koak Laudion.
Hurrengo orduetan, haizea apur bat baretuko da, baina bihar, osteguna, urtarrilaren 22an, berriro hartuko du indarra. Hori dela eta, Eusko Jaurlaritzak abisu horia ezarriko du Bizkaiko haizeguneetan, 21:00etatik 24:00etara, 100 km/h-ko abiadura hartuko duelako.
Abisu horia olatuengatik
Gainera, bihar hainbat abisu hori izango dira indarrean kostaldean, itsasaldeko arriskuagatik.
Alde batetik, egun osoan zehar (03:00etatik 21:00etara) abisu horia egongo da indarrean nabigaziorako, lehen bi milietan. Olatuak 4 metrotik gorakoak izango dira. Haizeak 5 edo 6ko indarrarekin joko du goizean. Arratsaldean baretzera egingo du, baina azken orduetan zakartu egingo da berriro. Egunean zehar itsaski handia sortuko du, eta arratsaldean baretuko da.
Halaber, abisu horia aktibatuko da kostaldeko inpaktuagatik eguneko bi unetan: 06:00etatik 08:00etara eta 18:00etatik 20:00etara. Bi kasuetan 3,5 metro inguruko olatuak altxatuko ditu itsasertzean.
Zure interesekoa izan daiteke
Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Aldakor eta nahasi dator astea
Astelehenetik asteazkenera euria egingo du tarteka. Ostegun eta ostiralean, berriz, eguzkia eta tenperatura goxoak izango dira nagusi. Asteburuan okertzera egingo du berriro, negu giroa itzuliko baita.
Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Euria bueltan da eta tenperaturek behera egingo dute
Giro nahasi eta ezegonkorra gutxienez asteburura arte mantenduko da.
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.
Astelehenetik asteazkenera, eguzkitsu eta epel joango da astea, eta ostegunetik aurrera, euritsu eta fresko
Udaberri giroa nagusituko da martxoko lehen egunetan, eta termometroa 16-20 ºC-ra helduko da. Aste bukaera hurbildu ahala, ezegonkortzera egingo du aroak, eta hala jarraituko du egun batzuetan, joeraren arabera.
Tenperaturak behera eta euria larunbatean, eguzkia eta hego haizea igandean
Larunbatean euria egingo du, baina egunak aurrera egin ahala atertzera egingo du. Igandeari begira, giro eguzkitsu eta epela nagusituko da.
Euria eta tenperatura freskoagoak izango dira asteburu hasieran
Ostiral eguerdian haizeak ipar-mendebaldetik joko du, hodeiak sartuko dira eta tenperaturak behera egingo du. Larunbat goibela izango da, eta iluntze partean atertzetzera egingo du. Igandean aroa eguzkitsua izango da eta tenperatura igoko da.
Arnaitz Fernandez: "Hotz errekorrak gero eta urriagoak dira, eta bero errekorrak, aldiz, gero eta ohikoagoak eta gogorragoak"
EITBko meteorologoaren arabera, "egoera planetako joera orokorraren ildokoa da". "Egia da Euskal Herrian sarritan izaten ditugula bat-bateko eguraldi aldaketak; baina gero eta beroaldi latz gehiago dago, muturreko hotz boladekin alderatuta", gehitu du Arnaitz Fernandezek.
Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.