Haizea eta euria, asteburuko protagonistak
Abisua larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Eusko Jaurlaritzako Segurtasun Sailak alerta laranja ezarriko du larunbatean 06:00etatik 18:00etara itsasaldeko arriskuagatik, 5 metrotik gorako olatuak espero baitira. Gainera, ostiraletik igandera, hainbat abisu hori ezarriko dituzte, haizeagatik eta itsasaldeko arriskuagatik.
Ohar batean jakinarazi dutenez, ostiraleko 21:00etatik larunbateko 18:00etara haizeak ekarriko du abisu horia, 100 km/h-tik gorako haize-boladak egon daitezkeelako, Bizkaiko eta Gipuzkoako kostaldean bereziki.
Bestalde, ostiraletik igandera hainbat abisu hori ezarriko dituzte, itsasaldeko arriskua dela eta. Lehenengoa, ostiraleko 21:00etatik larunbateko 06:00etara egongo da indarrean, alegia, alerta laranja ezarri arte.
Lehenengo ordu tartean, 4 eta 5 metro bitarteko olatuak egongo dira, eta alerta laranja dagoen tartean, berriz, 5 metrotik gorakoak. Mendabelde haizeak indarra hartuko du.
18:00etatik aurrera baina, abisu horira jaitsiko dute alerta, eta igandeko 06:00ak arte egongo da indarrean, 3, 5 eta 5 metro bitarteko olatuengatik.
Asteburuan, halaber, beste hiru abisu hori ezarriko dituzte kostaldean egon litezkeen olatu handiengatik: larunbatean 02:00etatik 04:00etara eta 15:00etatik 17:00etara, eta igandean 03:00etatik 05:00etara.
Hodeitsu Nafarroan eta elurra 900 metrora
Estatuko Meteorologia Agentziak ostiral honetarako iragarri duenez, Nafarroan zerua hodeitsu edo estalita egongo da eta prezipitazio arin eta moderatuak izango dira; tarteka ekaitzak ere jo dezake, gainera. Elur-kota 1.400 metrotik 900 metrora jaitsiko da egunaren amaieran.
Ez da aldaketar handirik izango minimoetan, eta aldatzekotan gorantz egingo dute, batez ere Ebro ibarrean; maximoek, aldiz, behera egingo dute.
Hala, termometrak 5 eta 12 gradu artean ibiliko dira Lizarran, 3 eta 12 artean Iruñean, 1 eta 10 artean Erronkarin eta 4 eta 14 artean Tuteran.
Izotz txikia espero da Pirinioetan, eta iparraldeko eta ipar-mendebaldeko haize ahul eta moderatua egunaren hasieran eta amaieran, eta hegoaldekoa eta hego-ekialdekoa erdialdean.
Larunbatean zerua estalita edo hodeitsu egongo da, eta prezipitazio txiki eta ertainak espero dira, arratsaldean Erkidegoaren ipar partera mugatuko direnak.
Elur-kota 800-1.000 metro inguruan kokatuko da goizaldean mendebaldeko muturrean, eta 800-900 metrotik 1.400 metrora igoko da Pirinioetan.
Tenperaturek behera egingo dute, batez ere maximoek eta ipar partean, eta Pirinioetan izotz txikia egingo du. Ipar-mendebaldeko eta mendebaldeko haize ahula eta bizia espero da.
Zure interesekoa izan daiteke
Euria eta tenperatura jaitsiera ostegunera arte
Ezegonkortasuna nagusi izango da datozen bi egunetan: euri txikia egingo du kantauri isurialdean, trumoi-ekaitzak jo dezake barnealdean eta tenperatura maximoak jaitsi egingo dira.
Uztailak utzitakoak: 3,6 ºC beroagoa izan da eta muturreko lehortea ekarri du
Hilaren 5etik eta 12ra izandako bero-boladak markak hautsi zituen. 40 gradutik gorako tenperaturak izan ziren hainbat lekutan.
Astea freskotik hasiko da eta ekaitzak izan daitezke arratsaldean
Hodeiak ugarituz joango dira astelehenean, eta tenperaturak behera egingo du Euskal Herrian. Gainera, baliteke arratsaldean trumoi-zaparradak botatzea, batez ere ekialdean. Asteartean, eguraldi egonkorra eta beroa itzuliko dira.
Udako giroa protagonista igandean
Tenperaturek gorako bidea hartuko dute, eta 25 ºC-ren langa gaindituko dute kostaldean. Maximoak 30 graduren bueltan geratuko dira barnealdean, eta 35 ºC-tik gora lurraldearen hegoaldean. Hala, abisu horia ezarri dute Arabako Errioxan, Nafarroako erdialdean, Pirinioetan eta Erriberan.
Casedan jo dute goia termometroek, 42,1 graduraino iritsi baitira
40 ºC inguruko tenperaturak izan dira gaur toki askotan. Nafarroan eta Araban alerta laranja dago ezarrita, beroagatik.
Bero sapa izango dute berriro Nafarroan, eta alerta laranja aktibatuko dute erdialdean eta Pirinioetan
Tenperatura maximoak 40 ºC-ren bueltan ibiliko dira: Erriberan (abisu horia) 41 ºC inguru izan daitezke, eta 39 ºC Iruñean eta Lizarran. Hori dela eta, alerta laranja ezarri dute Nafarroako erdialdean eta Pirinioetan.
Alerta laranja Araba, Bizkaia eta Gipuzkoa barnealdean, eta abisu horia, Euskal Herriko gainerako tokietan, beroagatik
Bihar, alerta laranja mantenduko da Araban; Bizkaian eta Gipuzkoan, abisu horia egongo da indarrean. Nafarroan, berriz, abisua mailaz igo eta alerta laranja bihurtuko da, tenperaturek gora egingo baitute (39 ºC-ra hurbilduko dira).
Beroaldia indartsu itzuliko da Euskal Herrira
Tenperaturak nabarmen igoko dira astearen hasieran, eta 35-40 ºC-ra iritsiko dira asteartean eskualde askotan.
Abisu horia gauerdira arte, euri zaparrada handiengatik
19:30ak arteko datuan kontuan izanda, ordu bakar batean metro koadroko 27 litro bildu dituzte Guardian, 24 Berastegin, 18 Bidanian eta 14 Etxalarren.
Eguzki eklipsea ikusteko Nafarroako segurtasun-dispositiboaren gakoak
Nafarroako Foru Gobernuak kanpaina bat jarri du abian herritarrei zuzendutako aholkuekin: nork bere burua babestea, suteen prebentzioa eta mugikortasuna eklipsearen aurretik eta ondoren.