Euria, elurra, 100 km/h-tik gorako haize ufadak eta 4 metrorainoko olatuak utziko ditu Orianak larunbatean
Segurtasun Sailak abisu horiak ezarriko ditu prezipitazio eta haizeagatik larunbateko 12:00ak arte eta elurragatik 21:00ak arte. Itsas arriskuagatik ezarritako abisu horia ere larunbat osoan egongo da indarrean.
Haizea, Getxon. Argazkia: EFE
Oriana borraskak gogor astinduko du Euskadi larunbatean, otsailaren 14an. Baliteke 24 ordutan 80 litro/m2 euri pilatzea, 110 km/h-ko haize-boladak izango dira kostaldean eta 1.000 metrotik behera elurra egingo du.
Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia aktibatuta izango du larunbateko 12:00ak arte, prezipitazio iraunkorrak izateko arriskuagatik, isurialde atlantikoko zenbait puntutan 24 orduan 60 l/m2 baino gehiago pilatuko direla aurreikusten baita.
Egunaren lehen partean zaparrada ertainak, sarriak eta oso ugariak espero dira, bereziki isurialde atlantikoaren barnealdean. Gainera, litekeena da zenbait lekutan gogorrak eta trumoitsuak izatea eta txingorra ere botatzea.
Aurreikuspenen arabera, metatu garrantzitsuenak isurialde atlantikoaren barnealdean erregistratuko dira. 60-80 l/m2 pilatu litezke bertan. Kostaldean 20-50 l/m2 egitea aurreikusi dute, eta isurialde mediterraneoan 20-50 l/m2 metatu litezke.
Arratsalde-gau partean, zaparradak gutxitzen joango dira.
Elurragatik ere abisu horia ezarriko dute, 21:00ak arte. Elur-kota 800-1.000 m artean kokatuko da, eta Arabako ekialdean baxuagoa izan daiteke. Aurreikusitako lodierak 2-15 zentimetrokoak dira 1.000 metroan, eta 0 zentimetrokoak 600 metrotik behera.
12:00ak arte abisu horia egongo da indarrean haize-arriskuagatik. Haizeguneetan, ipar ipar-mendebaldeko haize-boladek 100 km/h-ko abiadura gaindi dezakete, batez ere kostaldean, baita 110 km/h-ko abiadura ere. Haizeguneak ez diren lekuetan, berriz, ipar ipar-mendebaldeko haize-boladak 80 km/h-tik gorakoak izan daitezke Araban, eta 60-80 km/h-koak Gipuzkoan eta Bizkaian.
Azkenik, nabigaziorako itsasaldeko arriskuagatik abisu horia izango da egun osoan zehar. Aurreikuspenen arabera, 3,5-4 metrotik gorako olatuak izango dira.
Nafarroan ere antzeko egoera espero da. Aemetek abisu horia ezarri du euriagatik Nafarroa iparraldean (00:00-12:00) , elurragatik Pirinioetan (06:00-00:00) eta haizeagatik Pirinioetan, erdialdean eta Erriberan (03:00-16:00).
Oriana ekaitzak Ipar Euskal Herrian ere utziko du arrastoa datozen orduotan. 120 km/h-rainoko haize ufadak espero dira hainbat tokitan, batez ere kostaldean. Meteo-Francek alerta laranja ezarri du Pirinio Atlantikoetan haizeagatik.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.