Ekaitzek gogor jo dute Nafarroan eta Gipuzkoan, bigarren egunez jarraian
Gauerdira arte, alerta laranja izango da indarrean ia Nafarroa osoan eta Ipar Euskal Herrian. Noainen, txingor erauntsia izan da, eta 10 minutuan 5 litro pilatu dira metro koadroko.
Bigarren egunez jarraian, ekaitz giroa nagusitu da arratsaldean. Ekaitz eta euriteen arriskua handia zela eta, alerta laranja ezarri dute Nafarroa osoan eta Ipar Euskal Herrian. Araba eta Gipuzkoa abisupean izan dira 21:00ak arte, prezipitazio handiak izateko arriskuagatik. Euri jasak, haize bolada bortitzak eta bereziki, txingorra. Nafarroan eta Gipuzkoan jo dute gehien. Noainen esaterako, kazkabar erauntsi batek metro koadroko 5 litro pilatu ditu 10 minutuan.
Pirinioetan, Nafarroako isurialde atlantikoan eta Erdialdean gauerdira arte egongo dira alertapean. Pirinioetan, iragarpenaren arabera, metro koadroko 30 litro meta litezke ordubetean. Ekaitzak, oro har, laburrak izan dira, baina leku askotan harri handia bota du.
Ipar Euskal Herrian ere, alerta laranja ezarrita zuen Meteofrancek. Ekaitz elektriko handiak, haize bolada gogorrak (90-110 km/h) eta kazkabarra zeuden aurreikusita.
EAEn, Araban eta Gipuzkoan prezipitazio handiagatik abisu horia ezarrita zegoen, eta bigarrenean egin du gehien. Euskalmeten bere estazioetan jasotako lehen datuen arabera, Berastegin 11 litro pilatu dira metro koadroko 10 minutuan.
Datozen egunetarako iragarpena
Euskalmeten iragarpenaren arabera, uda giroa nagusituko da aste hasieran.
Astelehenean, behe hodei askorekin abiatuko da eguna, batez ere ipar partean; hegoaldean giroa argiagoa izango da. Egunak aurrera egin ahala, ordea, hodeiak desegiten joango dira eta arratsaldea eguzkitsua izango da. Haize aldakorra ibiliko da goizean, eta iparraldekoa nagusituko da eguerditik aurrera. Tenperaturari dagokionez, ez da aldaketa handirik espero, nahiz eta barnealdean apur bat jaits daitekeen. Nafarroan izan ezik, gainerakoan zaparradak egiteko probabilitatea txikia izango da.
Asteartean, argi eta egonkor jarraituko du aroak. Zerua hodei gutxirekin egongo da, batez ere barnealdean. Ipar partean, berriz, behe-hodeiak sortuko dira, batez ere goizean eta gauean. Tenperatura maximoek gora egingo dute, batez ere barnealdean.
Zure interesekoa izan daiteke
Tenperaturak goranzko bidean Euskal Herrian asteburuari agur esateko
Goizeko lehen orduetan, behe-hodeiak eta behe-lainoa agertuko dira ohiko lekuetan. Orduak igaro ahala, ordea, desagertu egingo dira, eta eguraldi atsegina izango dugu, orokorrean. Tenperatura maximoak igotzen joango dira egunez egun: igandean, 25 ºC ingurura iritsiko dira kostaldean eta 30 ºC-tik gora ibiliko dira barnealdean.
Hondartzarako girorik ez, baina tenperatura atseginak ia aste osoan
Aste beroa eta eguzkitsua izango ez bada ere, oraindik mahuka hutsean ibiltzeko aukera izango dugu datozen egunetan; asteazkenean salbu. Euria nonahi eta tenperatura freskoak izango ditugu orduan Euskal Herri osoan.
Abisu horia bero handiagatik igandean ere
35 ºC inguruko tenperaturak espero dira barnealdean. Kostan, berriz, ez dago abisurik, eta tenperaturak 30 ºCtik behera kokatuko dira.
Beroa nagusi igandera arte: 30 ºC-tik gora gaurtik aurrera Euskal Herrian
Araban, abisu horia egongo da indarrean ostiralean eta larunbatean, muturreko tenperatura oso altuengatik, eta Nafarroan alerta laranja ezarri dute ostiral honetan, beroagatik. Igandean, aldaketa etorriko da.
NBEren arabera, El Niño fenomeno meteorologikoa inoiz izan den handiena izan daiteke
Gertakaria urte honen amaieran iritsiko da puntu gorenera, baina 2027an zehar izango ditu ondorioak, eta datorren urtean munduko batez besteko tenperaturak igotzen lagunduko du.
Bero itogarria Euskal Herrira itzuliko da
Asteazken honetan tenperaturek ez dute aldaketa handirik izan, baina ostegunetik nabarmen igoko dira: termometroak 30 ºC-tik gora kokatuko dira Bilbon, Gasteizen eta Iruñean.
Abuztua bigarren hilabeterik beroena izan da 1970etik, eta mendeko lehorrenetakoa Euskadin
Batez besteko tenperatura ohikoa baino 2,4 °C altuagoa izan da, eta muturreko beroak, lehorteak eta prezipitazio handiek markatu dute hilabetea. Gainera, hainbat fenomeno meteorologikok 17 abisu hori aktibatzea eragin dute.
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.