Euria eta aro freskoa ostegunera arte
Giro ezegonkorra izango da datozen bi egunetan: euri txikia egingo du Kantauri isurialdean, trumoi-ekaitzak jo dezake barnealdean eta tenperatura maximoak jaitsi egingo dira.
Hodeiak, Serantesen. Argazkia: Europa Press
Gaur, asteazkena, hodeiak zabalduko dira iparraldean, eta euri txikia egingo du, batez ere Kantauri aldean. Hegoaldean zerua garbiago egongo da egunaren zati handi batean, baina arratsaldean hodeiak ugaritu egingo dira eta egunaren amaieran ekaitzak joko du, batez ere ekialdean.
Haizeak iparraldetik joko du eta ziertzoa indartu egingo da arratsaldean. Ondorioz, tenperatura maximoak jaitsiko dira, ipar partean hegoaldean baino gehiago.
Maximoak 23 gradukoak izango dira Donostian; 24koak, Bilbon eta Arrasaten; 25ekoak, Gasteizen; 28koak, Guardian; 30ekoak, Iruñean, eta 25ekoak, Baionan.
Ostegunean giroa freskoa eta hezea izango da. Eguna hasteko, zerua oso hodeitsu egongo da eta euria egingo du ipar partean, baina hegoaldean lehen orduetan ere egin lezake, eta trumoi-zaparradak botako ditu ekialdean. Goizean zehar, atertzera egingo du barnealdean eta, arratsaldean, Kantauriko eskualdeetan. Egunaren amaieran ostarteak irekiko dira, bereziki hegoaldean.
Iparrak aginduko du, eta tenperatura maximoak 30 gradutik beherakoak izango dira Euskadi osoan, eta 25 gradutik beherakoak kostaldean. Maximoak 23 gradukoak izango dira Donostian; 24koak, Bilbon, Arrasaten eta Guardian; 23koak, Gasteizen; 25ekoak, Iruñean, eta 23koak, Baionan.
Ostiralari begira, eguraldiak egonkortzera egingo du. Eguna lanbro eta lainoarekin hasiko da, baina goizean eguratsa hodei gutxirekin edo oskarbi egongo da. Tenperatura minimoak apur bat jaitsiko dira, eta maximoak nabarmen igoko dira barnealdean, eta apalago kostaldean.
Larunbatean hodeiak itzuliko dira eta arratsaldean zaparradak bota ditzake.
Igandean ere antzeko eguraldia izango dugu: hodeiak eta ostarteak, arratsaldean zaparrada batzuk eta egunetik egunera tenperatura aldaketa txikia.
Zure interesekoa izan daiteke
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.
Ekaitzek gogor jo dute Nafarroan eta Gipuzkoan, bigarren egunez jarraian
Gauerdira arte, alerta laranja izango da indarrean ia Nafarroa osoan eta Ipar Euskal Herrian. Noainen, txingor erauntsia izan da, eta 10 minutuan 5 litro pilatu dira metro koadroko.
Euskadik abisu horia ezarri du larunbat honetan, lurraldearen hegoaldean 35 gradu ingurura heldu daitekeelako
Abisua 12:00etatik 20:00etara egongo da indarrean, baina ekaitzak eta haize-bolada oso zakarrak izan daitezke arratsaldetik aurrera.
Eguraldi euritsua eta freskoa, ostiralean beroa itzuli aurretik
Ostegunean hodeiak eta prezipitazioak izango dira nagusi Euskal Herriko toki gehienetan, baina eguraldiak hobera egingo du apurka-apurka. Ostiralean tenperaturak gora egingo du nabarmen, eta asteburuan trumoi-zaparradak bota ditzake, arratsaldez.
Uztailak utzitakoak: 3,6 ºC beroagoa izan da eta muturreko lehortea ekarri du
Hilaren 5etik eta 12ra izandako bero-boladak markak hautsi zituen. 40 gradutik gorako tenperaturak izan ziren hainbat lekutan.
Astea freskotik hasiko da eta ekaitzak izan daitezke arratsaldean
Hodeiak ugarituz joango dira astelehenean, eta tenperaturak behera egingo du Euskal Herrian. Gainera, baliteke arratsaldean trumoi-zaparradak botatzea, batez ere ekialdean. Asteartean, eguraldi egonkorra eta beroa itzuliko dira.