Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Eusko Jaurlaritzak abisu horia ezarri du tenperatura altu eta oso altuengatik gaur hasi eta datorren ostegunera bitartean; izan ere, 37 gradu inguruko maximoak aurreikusten dira hiru egun horietan.
Astearte honetarako abisu horia ezarri dute, tenperatura oso altuengatik, 12:00etatik 20:00etara; izan ere, 34º-ko maximoak aurreikusi dituzte trantsizio-eremuan, eta 36º-koak Arabako barnealdean, baina kostaldean 27º-koak izango dira, eta Kantauri barnealdean 31º-koak.
Asteazken honetarako abisu horiak indarrean jarraituko du, tenperatura altu iraunkorrengatik egun osoan, eta oso altuengatik 12:00etatik 20:00etara. Epe horretan termometroa 37º-ra irits daiteke Araba barnealdean, 36º-ra trantsizio-eremuan eta 35º-ra Kantauri barnealdean; kostaldean, berriz, 29º-ra.
Ostegunean abisu horia ezarriko da tenperatura altu iraunkor eta oso altuengatik 12:00etatik 20:00etara. Aurreko eguneko erregistroen antzekoak izango dira: 37º Ebroko inguruan eta 36º trantsizio-eremuan. Egun horretan maximoak zertxobait baxuagoak izango dira barnealdean (33º) eta kostaldean (27º).
Zure interesekoa izan daiteke
Abisu horia gaur eta bihar arratsalderako, euri-jasa handiengatik
Euria bota eta bota, asteburura arte
Abisu horia larunbat arratsalderako EAEn, euriteengatik
Aurtengoa mende honetako irailik lehorrena izan da
Udazkeneko eguraldi bete-betearekin abiatu dugu urria
Aste nahasia iraila amaitu eta urria hasteko
Tenperatura freskoagoak udazkeneko lehen astebururako
Abisu horia beroagatik gaur barnealdean, 36 ºC arteko tenperaturak izango ditugu eta
Ohi baino epelagoa eta zertxobait hezeagoa dator udazkena
