Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Uztailean zein abuztuan izan dugun joerari jarraituz, lehor eta eguzkitsu iritsiko da iraila ere. Euri txikiren bat salbu, siku dator astea.
Gaur eta asteartea izango dira egunik lainotuenak, nahiz eta euririk apenas egingo duen. Isurialde atlantikoan izango da hodei gehien, gainerakoan garbi egongo baita zerua. Ipar haizeak tenperaturak koska bat hoztuko ditu, eta Euskal Herri osoan 30 ºC-tik behera egongo dira termometroak: 23 gradu inguruan kostaldean, eta 27tik gertu barnealdean.
Asteazken arratsaldean, denera zabalduko da eguzkia. Ostarteak izango dira nagusi ordutik aurrera, eta tenperaturak gora egingo du nabarmen.
Hartara, egun beroa izango da ostegunekoa. 30 gradutik gorako tenperaturak izango dira berriro barnealdean, eta muga horretara helduko dira kostaldean ere. Eguzkiari esker, gainera, uda beteko egunak izango dira iraileko lehenak.
Ostiralak ere ildo beretik eutsiko dio, egun beroa eta eguzkitsua izango baita, iragarpenaren arabera.
Zure interesekoa izan daiteke
Fronte hotz batek zaparradak eta tenperaturen beherakada ekarriko ditu, batez ere Kantauri isurialdean
Lehen izotza iritsi da Arabara: -0,4 gradu Gaubean
Giro aldakorra asteon
Udazken giroa astebururako
Giro eguzkitsua eta tenperaturen gorakada astea hasteko
Giro egonkorra eta 20 ºC-tik gorako maximoak izango ditugu asteburu luzean
Euriteek ur-putzu handiak utzi dituzte Hego Euskal Herriko hainbat herritan
Abisu horia gaur arratsaldean ere euri-zaparrada handiengatik
Abisu horia gaur eta bihar arratsalderako, euri-jasa handiengatik
