Andoni Aizpiruk azpimarratu duenez, "ekainean eta maiatzean bost ekaitz gogor izan ditugu Euskal Herrian". "Hemen ekaitza botatzea normala da udaberrian, baina bost izatea hilabete eta erdian ez da hain ohikoa", gaineratu du.
Saharako hautsa gaur dagoeneko oso bistakoa izan da Euskal Herri osoan eta airearen kalitatea txarra da zenbait lekutan. Bihar ere gure artean izango dugu. Ostegunetik aurrera egoerak onera egingo duela aurreikusten da.
Gaur, bero handiena Ebroko ardatzean espero da, bertan 38 ºC-ra irits baitaiteke. Kostaldean, termometroak 27 ºC-ren bueltan ibiliko dira. Gaur eta bihar, ekaitzak espero dira arratsaldean, txingorra, haizea eta euria.
Tenperaturak gora egingo du berriz, eta barrualdean 30 ºC-ra hurbilduko dira; Araba eta Nafarroa hegoaldean are gehiago igoko dira, eta kostaldean, berriz, 25-26 ºC inguruan geldituko dira.
Ostiralean izandako euri-erauntsiak kalte nabarmenak utzi zituen Zaldibian. Unanubieta baserriko Iñakik kontatu duenez, uraren maila 2 metrora iritsi zen instant batean eta justuko denbora izan zuen familiak goiko solairura igo eta babesteko. Bizilekua hori bai, txikituta geratu da.
Ostiraleko ekaitz bortitzen arrazoi meteorologikoak izan ditu mintzagai Xabier Casado Eguraldia saioaren aurkezleak. Ohartarazi duenez, 16:00etatik aurrera abisu horia izango da indarrean Nafarroan eta Ipar Euskal Herrian txingorragatik eta euriagatik.
Euri-jasa handiak izan daitezke leku batzuetan, eta txingorra ere bota dezake. Nafarroan, alerta horiari eutsi dio Aemetek, ekaitz gogorrak izango baitira.
Larrialdi zerbitzuek 248 dei jaso dituzte ostiral gau eta larunbat goizaldeko ekaitz bortitzen ondorioz. Tren bat geldiarazi eta ebakuatu dute goizaldean Tolosan eta oraindik ere lanean ari dira Tolosaldeko hainbat errepidetan.
Trumoi-zaparradak bota ditzake, zenbait lekutan handiak izan daitezke eta txingorra egin dezake. Nafarroako hegoaldeko muturrean ere zaparradak eta trumoi-ekaitzak izango dira, Espainiako Meteorologia Agentziak iragarri duenez.
