Abisu laranja Nafarroako Erriberan eta horia Araban, ekaitzengatik eta txingorragatik
Igande osoan egongo dira indarrean: Nafarroako Erriberan, 12:00etatik 24:00etara, eta Araban, 18:00etatik 22:00etara.
Ekaitzak eta euria izango dira, berriro ere, protagonista igande honetan; izan ere, Nafarroako Erriberan abisu laranja izango dugu, eta Araban, horia, ekaitzek ordubetean metro koadroko 15 litro utz dezaketelako.
Nafarroako Erribera alerta laranjan egongo da igande honetan, 12:00etatik 24:00etara, ekaitzak eta txingorra izateko arriskua dela eta. Espainiako Estatuko Meteorologia Agentziak (AEMET) jakinarazi duenez, ekaitzek ordubetean metro koadroko 15 litro utz dezakete, eta 2 zentimetrotik gorako txingor aleak botatzeko arriskua ere badago.
Bien bitartean, Nafarroako erdialdea eta Pirinioak abisu horian daude, euriagatik. Era berean, ordubetean metro koadroko 15 litro ere pila daitezke.
Euria egin arren, bero handia egiten jarraituko du Nafarroan. Abisu horia izango da indarrean hiru zonaldeetan, 36 gradurainoko tenperaturak espero baitira.
Hori dela eta, baso-suteak izateko arriskua "handia" edo "oso handia" izango da igandean ere ia Nafarroa osoan, larunbatean bezala.
Bestalde, Arabak ere euria izango du protagonista. Horregatik, Eusko Jaurlaritzako Segurtasun Sailak abisu horia aktibatu du. 18:00etatik 22:00etara.
Zaparrada ertainak eta trumoitsuak espero dira egunean zehar, eta baliteke zenbait lekutan gogorrak izatea. Gainera, baliteke txingorrarekin batera haize-bolada gogorrak ere izatea, orduko 60-100 kilometrorainokoak.
Albiste gehiago eguraldia
Giro freskoagoa eta hodeitsua espero dugu astebururako
Tenperaturak behera egingo du asteburuan Euskadin, batez ere Kantauri isurialdean: euria eta zaparradak espero dira zenbait unetan.
Muturreko beroa Euskal Herri osoan; abisu horia ezarri dute 38 gradura arteko tenperaturengatik
Abisu horia eguerditik egongo da aktibatuta, tenperatura oso altuak egon daitezkeelako: 36 gradutik gorakoak Ebro ibaiaren ardatzean eta 38tik gorakoak Nafarroako Erriberan.
Abisu horia ezarri dute ostegunerako Hego Euskal Herrian tenperatura oso altuengatik
Tenperatura maximoak 36 gradu ingurukoak izan daitezke Ebro inguruan, Arabako hegoaldean, Nafarroako erdialdean bezala, eta 38 gradu ingurukoak Erriberan. Kostaldean, ostera, ez du bero handirik egingo, 25 gradu inguruko tenperaturekin.
Abisu horia Araban eta Nafarroan, euriagatik, txingorragatik eta haize-boladengatik
Abisua 15:00etatik 21:00etara egongo da indarrean, eta metro koadroko 15 litro ur pila litezke ordubetean.
Ekaitz bortitzek arazoak sortu dituzte Nafarroan
Tutera eta Iruñea lotzen dituen autobidea itxi egin behar izan dute, euri eta txingor ekaitz handia izan baita. Tuteran, zezen plazako hegal baten zati bat erori da. Gainera, Castejon eta Erriberri arteko tren zerbitzua bertan behera utzi behar izan dute, hiru zuhaitz katenaria gainera erori baitira.
"Gauerdira arte, euri zaparrada mardulak espero ditugu, eta gero, eguraldiak tregoa txiki bat emango digu"
Xabi Casadok adierazi du egoera meteorologikoa "oso ezengonkorra" dela Euskal Herriko leku askotan. Okerrena gaur gauerdira arte espero da. Euri asko egin lezake ia edonon. Badirudi egoerak hobera egingo duela goizaldean, baina bihar arratsaldean ekaitzak izango dira berriro.
Ekaitzek batez ere Araba eta Nafarroa astindu dituzte, eta txingorra bota du zenbait txokotan
Langraiz Okan 38,3 litro bota ditu ordubetean, Subillan 31,5 eta Espejon 23.
Albiste izango dira: abisu horia euriagatik, sanferminetako bosgarren entzierroa eta Yeray Alvarezen positiboa
Gaurkoan albiste izango direnen laburpena, bi hitzetan.
San Fermin egunak freskotasuna ekarriko du Euskal Herrira
Igande gaueko zirimiriarekin batera, astelehenean freskotasuna eta zirimiria bueltatuko da Euskal Herrira, tenperatura jaitsierekin. Hala ere, San Fermin eguna euririk gabe ospatu ahalko da. Asteak aurrera egin ahala, ordea, termometroek gora egingo dute berriro ere.
Abisu horia euriteengatik, ostiral arratsaldean eta gauean
Abisua ostiral arratsaldeko seietatik larunbat goizeko bederatziak arte egongo da indarrean.