Abisu horia Araban, ekaitzengatik eta txingorragatik

Eusko Jaurlaritzako Segurtasun Sailak abisu horia aktibatu du larunbat arratsalderako, 18:00etatik 22:00etara, Arabako erdialdean eta hegoaldean, ekaitzak eta txingorra espero direlako. Euri-jasa handiak espero dira denbora-tarte horretan. Zehazki, ordubetean metro koadroko 15 litro egitea espero dute, eta gehiago egingo omen du Arabako erdialdean eta  hegoaldean.

Gainera, zaparrada ertainak eta trumoitsuak ere izango dira, batez ere mendebaldean. Txingorra eta haize-bolada bortitzak ere egon daitezke, orduko 60-90 kilometrorainokoak.

Larunbatean abisu horia egon da indarrean tenperatura altuengatik 18:00ak arte, 30 gradutik gorako tenperaturak espero baitziren. Euskadin, baina, tenperatura baxuagoak izan dira, 25 gradu ingurukoak.