Udako lehen bero-bolada etenik gabe ari da Euskal Herria astintzen

Udako lehen bero-boladak indartsu ari da Euskal Herrian. Tenperaturek gora egiten jarraitzen dute lurralde osoan, eta 40ºC-tik gertu dira jada; batez ere, Nafarroako hegoaldean.

Euskalmetek jakinarazi duenaren arabera, eguzkia eta beroa berriro ere egunaren jaun eta jabe dira. Izan ere, arratsaldea aurrera joan ahala, barnealdean bero-hodeiak garatuz joango dira.

Egunaren amaieran, ordea, zaparrada trumoitsuren bat egon daiteke mendebaldean.

Tenperaturak

Arestian aipatu bezala, udako lehenengo bero-bolada dugu honakoa. Hainbat dira jasotako marka esanguratsuak:

• Tutera (Nafarroa): 39 ºC
• Sartaguda (Nafarroa): 38 ºC
• Zarrakaztelu (Nafarroa): 37 ºC
• Gardea (Araba): 36,8 ºC
• Espejo (Araba): 36,4 ºC
• Galdakao (Bizkaia): 36,4 ºC
• Igorre (Bizkaia): 36,2 ºC
• Zambrana (Araba): 36,2 ºC
• San Prudentzio (Gipuzkoa): 36
• Bidaxune (Nafarroa Beherea): 35 ºC
• Buztintze (Nafarroa Beherea): 34 ºC
• Iruri (Zuberoa): 34,7 ºC

Gau tropikala

EITBko "Eguraldia" saioko lantaldeak aurreikusi duenez, gaur gauean ere  tenperatura altuak izango dira lurralde osoan. Hala, maximoak 26 ºC ingurukoak izango dira Iruñean, eta 30 ºC-ko maximoak izango dituzte Tuteran. 

Bilbon ere beroak ez du etenik izango, 27 ºC inguruko tenperatura izango baitute. 25 ºC espero dira Donostian, eta 26 ºC Gasteizen. Sargoriak 25 ºC-ko maximoekin jarraituko du Baionan, esaterako.