Lehendakariak IBMren superordenagailu kuantikoa inauguratu du Donostian: "Ezkutuan dauden itsasoak aurkitzen lagunduko du"
Donostiako IBM Quantum System Two superordenagailu kuantikoa Europako lehena eta munduko hirugarrena da.
Imanol Pradales lehendakariak IBM Quantum System Two ordenagailu kuantikoa inauguratu du Donostian. Europako lehena eta mundu mailako hirugarrena da —beste biak Ameriketako Estatu Batuetan eta Tokion (Japonia) daude—.
Lehendakariak bere hitzaldian azaldu duenez, System Two ordenagailua "gure herritik zientziari eta ikerkuntzari egiten diogun nazioarteko ekarpena da". "Ziur nago, System Twok oraindik ezkutuan dauden itsaso berriak aurkitzen lagunduko du", gaineratu du.
Lehendakariaren esanetan, Euskadi "abantaila kuantikoa" aprobetxatzeko moduan dago, azken urteotan egindako "lan kolektiboari" esker. "Herri txikia gara tamainaz, baliabide mugatuak ditugu eta, beraz, ezin ditugu gure ahaleginak sakabanatu. Aitzitik, arlo gutxi batzutan onenen artean egoteko anbizioa daukagu", nabarmendu du.
Halaber, lehendakariak nabarmendu du duela urte batzuk euskal instituzioek erabaki zutela ikerketa kuantikoa zientzia arloko politiken lehen lerroan jartzea, eta ildo horretan baliabideak jarri eta aliantzak bilatu dituztela. "Onenen artean aritzea amesten dugu", gaineratu du.
Lehendakariak azaldu duenez, teknologia kuantikoak egunerokoan eragina izango du, hala nola osasun arloan, botika berriak garatzeko, komunikazioan, energian eta zibersegurtasunean, besteak beste.
IBM Quantum System Two ordenagailua Ikerbasqueren eraikin berrian dago, Donostiako Ibaeta auzoan. Lehendakariaz gain, ekitaldi instituzionalean parte hartu dute Jay Gambetta IBMren ordezkariak, Juan Ignacio Perez Iglesias Eusko Jaurlaritzako Zientzia, Unibertsitate eta Berrikuntza sailburuak, Eneko Goia Donostiako alkateak, Eider Mendoza Gipuzkoako ahaldun nagusiak, Elixabete Etxanobe Bizkaiko ahaldun nagusiak, Ramiro Gonzalez Arabako ahaldun nagusiak eta Horacio Morell IBMren Espainiako ordezkariak.
Jay Gambetta IBM Research eta IBM Felkenen zuzendariak azaldu duenez, "Basque Quantum Estrategiako (BasQ) zientzialari taldearekin egindako bi urteko lankidetzak emaitza ederra eman du materialen zientziaren eta fisikaren alorrean".
Bestalde, Horacio Morell IBMren Espainiako presidenteak iragarri duenez, 2029an ordenagailuaren bertsio hobetua egongo da Gipuzkoako hiriburuan, "akatsak zuzentzen dituen lehen ordenagailua".
Perez Iglesias: "Hau hasi baino ez da egin"
Juan Ignacio Perez Iglesias Eusko Jaurlaritzako Zientzia, Unibertsitate eta Berrikuntza sailburuak inaugurazioaren aurretik Euskadi Irratian azpimarratu duenez, IBM Quantum System Two ordenagailu kuantikoak aukera berriak zabalduko ditu Euskadin.
Ikusmirari buruzko albiste gehiago
Albiste izango dira: Ordenagailu kuantikoa Donostian, Gazarako bake akordioa eta ikerketa batzordea Nafarroako Parlamentuan
Gaurkoan Orain-en albiste izango direnen laburpena, bi hitzetan.
Zer gertatuko da astearte honetan Windows 10ekin?
Windows 11rako migrazioari buruzko zalantza guztiak argituko ditugu, eta azalduko ditugu Windows 10 sistema eragilea erabiltzeko zer aukera daogen.
Perseverance roverrak Marteko krater batean aurkitutako arrastoen lagin batzuk aztertuko dituzte EHUn
Marten hartutako lagin batzuk jasotzeko Espainiar Estatuan hautatu dituzten bi laborategietatik bat EHUkoa da. Lagin horiek aztertuta, Marten bizitza egon den ala ez ondorioztatu ahal izango du Leioako kanpuseko laborategi horrek.
:eitb-banner?$eitb-banner$&fmt=webp-alpha&qlt=80)
NASAk iraganeko bizi zantzu posibleak aurkitu ditu Marten
Planetak inoiz bizitza izan ote zuen zehazteko, funtsezkoa izango da Perseverance roverrak bildutako laginak Lurrera ekarri eta xehetasunez aztertzea.
1 Formulako pilotuek LEGO piezekin egindako autoen erreplikekin desfilatu dute Miamin
Miamiko lasterketa hasi aurretik, 20 pilotuak LEGO piezekin egindako autoekin atera dira pistara. Auto bakoitza LEGOko 400.000 pieza inguru erabiliz eraikia da, eta taldeek benetako dekorazioa eta babesleak dituzte.
Benetan berreskuratu al dute otso erraldoia, ala espezie berria sortu dute?
Colossal Bioscience enpresak dio otso erraldoiaren otsokumeak direla Romulo, Remo eta Khaleesi. Hala ere, adituek diote horiek ez direla duela 10.000 urte desagertutako espezieko kumeak, genetikoki eraldatutako otso grisarenak baizik, otso erraldoiaren gene batzuekin sortuak.
Duela 13.000 urte desagertutako 'otso izugarria' berreskuratzea lortu dute
Colossal Biosciences konpainiak dioenez, espezie horretako bi kume sortzeko gai izan da, fosiletan aurkitutako DNAtik eratorritako aldaketa genetikoen bidez. Romulo eta Remo dute izena, eta sei hilabete dituzte.
Munduko iceberg handienak Hego Georgiako uhartearen parean hondoa jo du, hainbat urtez noraezean ibili ondoren
A23a munduko iceberg handiena eta zaharrena da, eta Hego Georgiako uharte subantartikotik —pinguinoen paradisua— 73 kilometro ingurura hondartu da, bost urtez noraezean egon ostean, 2020tik. Adituek aurreikusi dute itsasaldiaren eta olatuen eraginez apurtuko dela.
Huelvako dendari batek pistola batekin armatutako lapurra oihuka bota du saltokitik
Lepeko denda bateko segurtasun-kamerak grabatu du gertakari bitxia. Antza denez, saltzailea berehala ohartu da pistola plastikozkoa zela.