Steve Jobsen heriotzari aurre egitea izango da Appleren erronka
Steve Jobsen heriotzak umezurtz utziko du bere sorkuntza nagusia, Apple konpainia. Jobsek bere amets teknologikoen moldean eraiki zuen enpresa eta orain, buruzagiaren heriotzari egin beharko dio aurre.
Heriotza kolpe gogorra bada ere, kontuan izan behar da Apple AEBetako bigarren enpresa baliotsuena dela gaur egun, izan ere, urtero irabaziak bikoizten ditu eta bere produktuek sektore guztia baldintzatzen dute.
Jobsen eskua dago Mac ordenagailuen atzean, eta salmentak gora eta gora egiten ari dira PCrenak behera egiten duen bitartean. iPhoneren, munduko sakelako telefono inteligente ezagunenaren, asmatzailea ere izan zen eta tableten negozio oparoaren aitzindari izan zen iPadi esker.
Era berean, Jobs izan zen iPod asmatu zuena herritarrak "walkman"etik eta "discman"etik mp3 irakurgailu eramangarrietarako trantsizioa egiten ari zirenean.
Baina aparailu fisikoetatik harago, iTunes ikus-entzunezko dendako aplikazio eta zerbitzuak izan ziren "i" unibertsoaren euskarri.
Hemendik aurrera, hala ere, Applek sortzen duen edozer Steve Jobsen garaiko produktuekin alderatuko dute, izan ere, askorentzat enpresari handi bat baino gehiago izan zen Jobs, guru bat izan zen enpresaren irudia kalitatezko eta diseinuzko produktuen filosofiara eraman zuelako eta milioika pertsona erakarri zituelako sagarraren produktuetara.
Appleren jarraitzaile kopurua hazten joan da konpainiaren dendak mundu osoan zabaltzen hasi ahala eta produktuen prezioak behera egiten zuten bitartean. Merkatze prozesu horretan, ezinbestekoa izan zen fabrikazioa Txinara eramatea.
Jobsek ikuskizun bihurtzen zituen teknologia berrien aurkezpenak eta denborari neurria hartzen zion ikusmira sortzeko. Beti zuen ezustekoren bat eskuartean eta dena esana zuela zirudienean, "one more thing" ("gauza bat gehiago") esanez beste berrikuntzaren baten berri ematen zuen.
Gainera, Jobsek ez du azken hitza esan bere produktuei dagokienez eta datozen bizpahiru urteetan Appleren estrategia Steve Jobsek zuen egitasmoari erabat lotuta egongo dela espero da.
Pankreako minbizia atzeman ziotenetik, Apple Jobsen ondorengo egoerara prestatzen hasi zen, izan ere, urtarrilean gaixoaldi-baja hartu zuen eta abuztuaren 24an uko egin zion kontseilari ordezkari karguari.
Jobs bera izan zen Tim Cook bere oinordeko izateko gomendatu zuena. Orain, Cooke da Appleren ordezkari nagusia.
Cookek, izendatu zuten egunean, hitz eman zuen enpresa ez zela aldatuko, baina burtsek ez zuten sinestu eta konpainiaren aktiboen balioa % 5 murriztu zen. Orain, Jobs hilda, ikusi egin beharko da diru merkatuek nola erantzuten duten.
Cooken lehenengo froga iPhone berriaren, iPhone 4Sren, aurkezpena izan zen, aurreko asteartean, eta adituek epel erantzun zioten, Steve Jobsek hain berea zuen puntu "gehigarria" falta zitzaiolako.
Zure interesekoa izan daiteke
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.