Apple konpainiaren erloju adimenduna, apirilaren 24an salgai
Apple konpainiaren eskumuturreko erloju adimenduna apirilaren 24an jarriko dute salgai. Hala ere, aldez aurretik eskaerak egiteko aukera izango dute bezeroek apirilaren 10etik aurrera, Tim Cook erraldoi teknologikoaren kontseilari delegatuak iragarri duenez.
Hasiera batean, erlojua herrialde zehatz batzuetan bakarrik egongo da salgai, besteak beste, hauetan: AEB, Australia, Kanada, Txina, Frantzia, Alemania, Japonia eta Erresuma Batua.
Bertsiorik arruntena 349 dolarrean (321 euro) salduko dute, eta urrezko edizio mugatua 10.000 dolarrean (9.217 euro). Azkena erraldoi teknologikoaren denda batzuetan soilik egongo da salgai.
?Denbora aurreztea?
Besteak beste, telefono-deiak jaso eta egiteko, posta elektronikoa kontsultatzeko, mezuak irakurtzeko eta bezeroaren fisikoa zaintzeko aukera ematen du erloju adimendunak. Bezeroei ?denbora aurrezten? laguntzeko aukera emango die produktuak.
Tim Cook Apple konpainiaren kontseilari delegatua erlojuaren aurkezpenean. Argazkia: EFE
?Eskumuturrean entrenatzaile pertsonal bat eramatea bezalakoa da?, adierazi du Cookek San Frantziskon. Bateriak 18 bat orduko iraupena izango duela aurreratu du Apple etxeko kontseilari delegatuak.
Christy Turlington Burns modeloak ere hartu du parte erlojuaren aurkezpenean. Apple Watch erabili duen lehenetarikoa izan da Turlington; izan ere, duela gutxi Afrikako maratoi batean erabili zuen.
Zure interesekoa izan daiteke
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.