Nagusitasun kuantikoa lortu duela esan du Googlek
Googleren ordenagailu kuantiko batek 200 segundo behar izan ditu ataza jakin bat betetzeko; munduko ordenagailu konbentzionalik azkarrenak, baina, 10.000 bat urte beharko lituzke hori egiteko. Hala dio asteazken honetan Nature aldizkari zientifikoak argitaratutako artikulu batek. IBMk, baina, baztertu egin du Googlek hori erdietsi izatea.
Nagusitasun kuantikoaren erakustaldi hau, Natureko artikuluaren arabera, mugarria da konputazio kuantikorako; hori sistema informatikoa da, eta horren nahia da atazak ordenagailu klasiko konbentzionalak baino askoz ere azkarrago egitea, akats-tasa txikiarekin gainera.
Ordenagailu klasikoek ez bezala, ordenagailu kuantikoek bit kuantikoen sistema bat erabiltzen dute. Horiek kode bitarreko bi zifretan biltzen dute informazioa (alegia, 1ean eta 0an); ordenagailu klasikoek, aldiz, bitak erabiltzen dituzte, eta aukeratu behar dute zein zenbakitan bilduko dituzten datuak: 1ean, ala 0an.
Gainezarpena izena duen protokolo berri horren bidez, makina kuantikoek gaitasuna dute zailtasun handiko problemak ebazteko, eta datu-kopuru erraldoiak prozesatzeko.
Lortzeko urrats teknikoak
Kaliforniako Unibertsitateko Googleren konputazio kuantikoaren arduradun John Martinisek zuzendu du lana; bertan, zehaztuta dago zein urrats eman dituzten nagusitasun kuantikoa lortzeko.
Artikuluaren arabera, ikertzaileek 54 bit kuantikoko prozesadore bat egin zuten; prozesadore horrek gainezarpena eta elkarren arteko lotura kuantikoa baliatzen zuen, bit klasikoek hornitzen dutena baino askoz ere handiagoa den konputazio-gune bat esploratzeko.
Bit kuantiko batek ez zuen zuzen funtzionatu, eta, beraz, gailuak 53 bit kuantiko erabili zituen.
Taldeak akatsak zuzentzeko prozesuak garatu zituen, doitasun eragilea handia izan zedin.
Sistema probatzeko, zirkuitu kuantiko batek sortutako zenbaki aleatorioen laginketa-ataza diseinatu zuten. Prozesadoreak milioi bat lagin jaso zituen 200 segundotan; azken belaunaldiko ordenagailu batek 10.000 urte beharko zituen hori egiteko.
"Munduko ordenagailuek dituzten egungo algoritmo nagusien aldean ikusi dugun nagusitasun kuantikoaren erakustaldi hau lorpen benetan bikaina da", dio William Oliverrek, alegia, Massachusettseko Institutu Teknologikoaren Ingeniaritza Informatiko eta Fisikoaren Departamentuko ikertzaileak.
Oliverrek, Nature aldizkariko ale berean, artikulu bat idatzi du, "Konputazio kuantikoa hazten hasi da"; bertan, ikertzaileak dio lan handiagoa egin behar dela, ikerketan, ordenagailu kuantikoak errealitate praktiko izan baino lehen.
IBMk ezeztatu egin du
IBM konpainiak, nolanahi ere, ezeztatu egin du Googleren gailuak nagusitasun kuantikoaren muga gainditu izatea; ziurtatu duenez, gaitasun du emaitza horiek errepikatzeko, ordenagailu klasiko oso aurreratuak erabiliz, 2,5 egunetan (Googleren ikertzaileek diote 10.000 urte beharko liratekeela). IBMk, horrez gain, dio "doitasun askoz ere handiagoarekin" egin dezakeela.
Nagusitasun kuantikoaren kontzeptua John Preskill fisikari teorialari estatubatuarrak proposatu zuen 2012an; deskribatzen du puntu jakin bat, alegia, ordenagailu kuantikoek ordenagailu klasikoek egiterik ez duten atazak betetzeko gaitasuna duten puntua.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.