Adineko pertsonak eta .eus domeinuaren eskaeraren 10 urteak, giltzarriak Interneten Nazioarteko Egunean
Maiatzaren 17an Interneten Nazioarteko Eguna ospatzen da eta aurten adineko pertsonak dira protagonista nagusiak. Gainera, astearte honetan, PuntuEUS Fundazioak efemeride bat gogoratuko du: 10 urte bete dira .eus domeinua eskatu zuenetik.
Espainiako Estatuan, bederatzi milioi pertsonak baino gehiagok (biztanleriaren % 20) dituzte teknologiak ulertzeko arazoak. Pandemiaren ondorioz, teknologia berrien erabilera areagotu egin da, eta egunerokotasuneko kudeaketak egiteko beharrezko tresna bihurtu da.. Pandemiaren ondorioz, teknologia berrien erabilera areagotu egin da, eta egunerokotasuneko kudeaketak egiteko beharrezko tresna bihurtu da.
Horregatik, Espainiako Estatuko hainbat enpresa, instituzio eta erakundek agiri eta dekalogo bat plazaratu dute "adineko pertsonei teknologia digitaletarako sarbidea eta erabilera errazteko". Dekalogo horretan, teknologia digitalen irisgarritasunerako eta oztoporik ez izateko legezko betebeharra gogorarazten duten neurriak jasotzen dira.
Halaber, aurten, Internet Egunean, PuntuEUS Fundazioak ICANN Izen eta Zenbakien Esleipenerako Interneteko Korporazioari .eus domeinuaren eskaria bidali zionetik 10 urte igaro direla gogoratuko du. Fundazioak azken 10 urteei begiratuko die; 10 urte hauetan .eus domeinuak egin duen bideari eta Internetek berak izan dute bilakaerari.
.eus domeinua 92 aitzidarirekin abiatu zen 2014ko ekainean, eta, gaur egun, 13.000 domeinu baino gehiago daude erregistratuta.
Albiste gehiago teknologia
WhatsAppeko mezuak automatikoki itzuli ahal izango dira aurrerantzean
Mezuak elkarrekin trukatzeko sare sozialak funtzio berri bat jarri du martxan, eta aurrerantzean mezuak hainbat hizkuntzatara itzuli ahal izango dira. Tresna berriaren bidez, elkarrizketak aukeratutako hizkuntzan izango dira irakugai, automatikoki itzuliko dira, eta horrek komunikazioa erraztuko du.
"Arazo teknikoek" zapuztu dute Mark Zuckerbergen betaurreko adimendunen aurkezpena
Mark Zuckerberg Metako zuzendari exekutiboak aurkeztu ditu Meta Ray-Ban Display betaurreko adimendunak. Aurkezpen ekitaldian, erreminta berriaren akatsak izan dira protagonista. Zuckerbergek, lotsatuta, wifi konexioari egotzi dizkio betaurreko adimendun berrien akatsak.
TikToken algoritmoa salmentaren gako, AEB eta Txinaren arteko negoziazioetan
Aste honetan Madrilen merkataritza negoziazioen laugarren erronda egin ondoren, bi potentziek "akordio esparru" bat lortu zuten TikToken inguruan. Gomendioen motorra nork kontrolatzen, mantentzen eta eguneratzen duen zehaztea da puntu erabakigarria, hori baita TikTokek Estatu Batuetan duen arrakastaren (150 milioi erabiltzaile) gakoetako bat.
Urriaren 15ean inauguratuko dute Europako superordenagailu kuantiko indartsuena, Donostian
Hasiera batean aurreikusita zegoen Ikerbasqueren Donostiako campusak IBMren Quantum System One bat hartzea, baina akordioa eguneratu ondoren System Two bat izango dute, multinazional teknologikoaren "harribitxia", hain zuzen ere.
Robotak, korrikan, futbolean eta talkaka Txinako roboten olinpiadetan
Txinak giza itxurako Roboten Munduko Jokoak inauguratu ditu. Hiru egunetan zehar, adimen artifizialean eta robotikan egindako aurrerapenak erakutsi nahi ditu, 16 herrialdetako 280 talderen parte-hartzearekin. Atletismoan eta mahai-tenisean lehiatzeaz gain, beste erronka batzuk ere izango dituzte, sendagaiak sailkatu, materialak manipulatu eta garbiketa-lanak ere egin beharko baitituzte.
BEC ordenagailuz eta informatikazale amorratuz beteko da berriro uztailaren 24tik 27ra
Estatuko 'lan party' handienak eta Europako garrantzitsuenetako batek 4.000 ordenagailu eta dozenaka stand hartuko ditu, eta teknologia berriak, berrikuntza eta kultura digitala maite dituzten 5.000 pertsona bilduko ditu lau egunez.
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.