Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
HiTZ Hizkuntza Teknologiako Zentroak sortutako metodo berria. Irudia: EHU
Euskal Herriko Unibertsitateko HiTZ Hizkuntza Teknologiako Zentroak euskara eta tankerako hizkuntza gutxituetan elkarrizketak izateko gai diren txatbotak egiteko modu berri bat sortu du, Metaren ikerkuntza zentroak sortutako hizkuntza-eredu ireki eleaniztuna, Llama, abiapuntutzat hartuta.
Ohiko bidea Llama euskarazko testu eta adibideekin elikatzea litzateke, baina oso lan garestia da. “Enpresa handiek soilik egin ahal izan dute oraingoz”, azaldu du Eneko Agirre HiTZ zentroaren zuzendariak.
Lan hori ekiditeko helburuarekin, HiTZeko kideek “bide berritzaile eta efizientea” topatu dute txatbota euskarara egokitzeko. Metodo berriarekin, nahikoa da Llama euskarazko testu-masarekin trebatzen jarraitzea, baina horretarako funtsezkoa da “ahanztura katastrofikoa” deritzan arazoari aurre egiteko teknikak aplikatzen asmatzea.
Egindako lanak bide berriak urratu ditu. Alde batetik, metodoa bera Llama baino indartsuagoak diren eredu irekietan aplika daiteke, eta, bestetik, antzeko testu-bolumena duten beste hizkuntza batzuetan ere egin daiteke.
Internet irekian dagoen dokumentu kopuruari dagokionez, ingelesez euskaraz baino 1.000 aldiz dokumentu gehiago daude, eta gaztelaniaz baino 100 aldiz gehiago. Horregatik, orain arte zalantza izan da txatbotekin hizkuntza gutxituetan mintzatzen ingelesez eta gaztelaniaz egindakoetan adina emaitza onak lor daitezkeen.
Zure interesekoa izan daiteke
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.